Former President Trump nih a chim ning ahcun, President Joe Biden nih Covid-19 kongah a rian tuan ning a tha lo tuk caah Joe Biden an zum lo tuk caah US mipi tampi nih vaccine an lak duh lo tiin a chim. Foxnews interviews a tuahnak ah Joe Biden nih President ka si ahcun Covid-19 cu thatein ka tei lai tiah bia a rak chim
Natein a tu cu Joe Biden bia chim mi hmangin former President Trump nih a thuat than cang i,”Joe Biden nih
Covid-10 he pehtlaih in a cawlhcang ning a tha maw? A tha nan ti maw? A rian tuan ning fih nung tuk, a rian
tuan ing a tha lo tuk hringhrang. Zoh hman u, atu zeidah a cang. Nihin ah Covid record kan tuah than hoi kha tiin News York State nih Covid positive thar a ngei mi a langter mi kong chim i Joe Biden a phomh. China nih vawlei cung ramkip cu Coronavirus hmang in ahrawh dih i, Cun Joe Biden nih US economy vialte a hrawh dih tiin a chim chap
China nih US lawng si lo in Vawlei cung ramkip vialte ahrawh dih, Zeidah a cang ti zoh hman u, Biden nih Covid cu
thatein ka tei lai tiin a rak chim i, Atu US nih kan tawn mi cu nan thei dih ko lo maw, aluan cia kum 2020 nak
in tu kum 2021 ah Covid ruangah a thi mi an tam deuh. Atu cu vaccine kan ngei cang, mah lawng si lo in i zohkhennak tha Therapeutics zong kan ngei cang. Natein Joe Biden admin nih zeihman thil tha an tuah lo. Zeibantuk thi poi tuk mi US ram caah an tuah ti hman an thei lo. Atu mandate an kalpi mi nih US economy vialte a hrawh dih cik cek cang hi.
Joe Biden ruangah US cu upat a si ti lo i, a hlei in Afghan withdrawal a tuah hnuah US cu ramdang nih zei ah an rel lo tiin a bia a dawngter. Cred-Foxnews
Kawlram thawngpang…Nizaan December 19 ni ah Myanmar ramchung ramkulh 7 le ramthen 3 hna ah hramhram
nawlngeihnak la tu ralhrang phu hna le mizapi vengtu ralkap phu kar kahdohnak ruangah ralhrang phu lei in minung 216 an thi tiah theih a si. Ralhrang phu in a thimi hna cu Kayin ramkulh in minung 50, Shan ramkulh in minung 70, Sagaing ramthen in minung 80, Magway ramthen in minung 13 le Mandalay ramthen in minung 3 an thi tiah theih a si. Than Lwin Khet
Tawngkayan(တောင်ခင်ရန်း) palik sakhan in Myinta(မြင်သား) khua ah rallam a sialtu ralhrang phu hna cu
December 19 ni zinglei ah
mizapi vengtu ralkap phu Gangaw-PDF tat-khuai 18 Bu Ganung phu nih bomb puahhnawh in doh an si tiah
Gangaw-PDF nih cathanh an chuah. Cathanh an chuahmi ah cun December 16, chunhnu in Gangaw peng Hnankha khua cu raltuknak vanlawng he ralhrang phu hna cu a thlah hna, December 19 zinglei ah Tawngkayan (တောင်ခင်ရန်း) palik sakhan in Myinta (မြင်သား) khua lei ah rallam an sial lio ah
Gangaw-PDF tat-khuai 18 Bu Ganung phu hna nih bomb puahhnawh in an doh hna tiah an langhter.
Ralhrang phu bomb puahhnawh in doh an ton caah ralhrang lei minung 12 hrawng an thi i, mizapi vengtu phu lei hliamtuar umlo in hnu an tolh kho tiah cu cathanh chungah cun an langhter chih. A tangmi ralhrang phu hna nih Myinta (မြင်သား) khua cu luhhnawh in khuami umnak inn khat cu meikhangh in an hrawh tiah cu cathanh chungah cun an langhter. Than Lwin Khet