President Joe Biden admin cu zum ning bantuk in zeihman rian an tuan khawh ti lo caah US ram cu thawngpang chia lawngtein in a khat ko, ABC News le Ipsos nih poll an tuah mi an langter mi kongah President Joe Biden le Democrat pawl cu an mualpho tak tak ko,
Democrat pawl le Joe Biden nih US ramchungah palik pawl tlawmter a duh ngai mi an si, atu cu US mipi nih
thil sining fiang cik cek in an langter cang ko. US ramchungah Joe Biden president a tuan hnuah i thahnak/suanak
a tam chin lengmang caah US mipi an lungreithei ngai, Mah lawng cu a si lo thil man a kai ning a zual chin lengmang caah US mipi nih Joe Biden cu an duh bak ti lo i, Atu hi US mipi lungreitheiter ngai mi pahnih cu thil man a kai tuk mi le sualnak a tam tuk mi hi asi. US mipi 28% lawng nih Joe Biden rian tuan ning cu a tha an ti i, 69% nih a tha lo tuk, mah bantuk in US a zohkhen lai ti kan zum lo tiin
Joe Biden nih tu lio thil man a kai mi, tuanvo a lak ning ah an lungtlin lo tiin an chim. American mipi 36% nih Joe Biden nih
US ramchungah sualnak/i thahnak a tam tuk mi ah a rian tuan ning tha tiin an langter i, 61% nih rian tuan ning a tha lo, American mipi kan him ti lo,
US ram chungah i thahnak le sualnak a tam chin lengmang tiin an caah tih nung ning le an him lo ning an langter. Atu hi poll kip ah President Joe Biden approval rating cu a chia tuk caah Joe Biden admin an mualpho ngai i, Trump nih a rak chim cia bantuk in US president si ding in Joe Biden cu a tlak lo, Sleepy Joe nih
US president rian a tuan ruangah US cu ramdang nih zei ah an kan rel ti lo i, US a thawnglo chin lengmang caah
US cu vawlei cung hmaiah kan mualpho tuk cang tiin Economy le thil man kai tuk mi le US ramchungah i thahnak/sualnak a tam chin lengmang mi kongah former President Trump nih Joe Biden cu heh tiah a mawhchiat ve cang. Credit-Breitbart