Trump a doh pengtu Liz Cheney cu Republican pawl nih mangchia in an tuah cang

Trump hi a duh mi an tam bangtuk in a dohtu zong an mah Republican pawl chungah an rak um ve. Trump nih heh tiah Republican pawl nih teinak an hmuh khawhnak caah tiah a zuam cuamah lio ah Republican pawl chungah a doh mi an um caah atu cu fiangtein thil hnawm mi thiang a si cang

January ni 6, 2020 capital riots ruangah republican mi 10 nih Trump cu impeachment tuah an duh i, Democrat lei an dirkam kha.

Cu lakah a tel ve mi Liz Cheney cu Wyoming GOP nih republican party chungah an rel ti lo i, republican party chungin an thawl cang.

Republican Central Committee party, Buffalo pawl nih meeting an tuahnak ah vote 31-29 in Liz Cheney kongah vote an thlak i, Liz Chenney hi Republican party minung caah kan duh ti lo ti lei kap in vote a thlak tu an dam deuh caah Liz Chenney cu Republican party in thawl a si cang

Mah bantuk in GOP in an thawlnak ruang bik cu Trump a soisel peng caah a si. Cheney spokesman Jeremy Adler nih a chim than ning ahcun,

Liz Cheney hi ‘conservative Republican’ a si lo tiah a chim mi poah cu nihchuak a si tiin a chim. Liz Chenney hi

May thla ah chair of the House Republican Conference a si nak in an rak thawl cang, Mah hi House Republican leadership ah dirhmun sangbik pathumnak a si. Zarhte ni ah  Texas Senator Ted Cruz nih Liz Cheney cu a thuat i, Democrats lei i thial ko, Democrat pawl he rian va tuan ti ko, Kan mah Republican pawl chungah cun na um a hau ti lo tiin ceilak in a rak thuat cang.

Atu mah bantuk in Liz hi Republican in an thawl caah Democrat party ah a thial lai maw ti cu zeihman thawngpang a um ri lo, natein mi tampi zum ning ahcun Democrat party lei cu a thial lai lo ti cu an zum lo,

natein umnak party a ngeih ti lo i, politic ah cawlhcang a duh peng a si ah cun a duh zong duh lo zongah Democrat lei cu a thial cu a hau ko. Natein Democrat party pawl kalning hi a duh ve lo caah zeitin dah a kal ning a si lai ti cu zeihman amah zong nih a chim ri lo. Cre-RTK