Trump a mawhchiat pawl zum lo tuk mi Joe Biden nih a chim

Trump a mawhchiat peng mi pawl caah ningzak si cang. Joe Biden nih fiangtein a chim cang Afghan thil a cang mi kongah Joe Biden lei a ttanh mi pawl nih Trump an mawhchiat i, heh tiah an soisel. Chinmi tampi zong an i tel ve. Trump President a si hlan ah, Obama President term 2 nak ah Joe Biden kha vice president a si. Mah lio ah Joe Biden nih US ralkhap hna kha, Afghan in lakchuah a duh cang ti kha fiangtein a rak chim cang.

President a vun si bak in mah bantuk in Afghankongah a rak chim cia bantuk in lam a kawl cawlh. Cun US ralkap hna cu tlawmpal te tlawmpal tein a lakchuah hna.

Natein a zum lo tuk mi thil a tlung i, Taliban pawl nih afghan ram cu fawitein an kut tangah an chia cawlh. US citizen tampi cu afghan ram ah an tang ri.

Atu hi Airport chungah a lut hman mi cu US nih heh tiah a lak thluamah hna, natein Airport lengah US citizen tampi an um ri ko President Joe Biden cu US ralkap withdrawal a tuah ning kongah zeihman plan a ngei lo caah a mualpho tak tak cang i,  mi tampi nih US president caah a tlak lo tiin an duh lo ning heh tiah an langter cang i, Democrat chung lei zongin soisel nak le thangchiatnak a tam ngai cang.

Mah US ralkap withdrawal kongah Joe Biden nih fiangtein a chim i, Trump president a si lio ah Taliban pawl he peace aggreement a tuah pi ruangah si lo i,

keimah hrim hrim nih Afghan ram chungah um mi US ralkap lakchuah hi keimah hrim hrim nih ka tim bak mi a si tiin fiangtein a chim. Cred-RTK

Kawlram lei thawngpang…Kawlram Dirhmun Cu A Tha Lo Ngai Tiin Vivian Balakrishnan Nih A Chim Kalram ramkhel buainak pin ah covid-19 zawtnak ruangah an dirhmun a tha lo ngai tiah Singapore foreign minister Vivian Balakrishnan nih a chim.

Atu tiang SAC ralhrang cawlcanghnak dinh an i tim rih lo, ramkhel kong he an tlaih mi hna zong an thlah rih hna lo.

Buainak he a peltlaihmi hna kar ah chawnhbiaknak zong pakhat hmanh a um rih lo. Chawlehnak zong a tumchuk lio pi a si,

covid zawtnak phundang delta variant ruangah mipi harsatnak tampi an tawn lio a si tiah Balakrishnan nih reuter news agency ah nihin August 20 biahalnak ah a chim. Kawlram buainak tawlrelnak dingin ASEAN palai Erywan Yusof cu Kawlram ah a kal khawhnak ding le buainak he a pehtlaihmi vialte hna he ton dingin a zuam cuahmah lio a si i,

November thla ah tuah ding mi ASEAN summit hlan ah thanchonak pakhat tal a um lai ka zumh tiah Singapore ramdang vuanci nih a chim.

NUG kong he pehtlaih in Mr. Balakrishnan nih lam kan on peng ko. Khatalei ca awng ruat in kan tuahmi a si lo, mi vialte he pehtlaihbin kan tuah lai ti zong an theih ko. Chawlehnak kharphih piak thawngin an i remh lai lo, mipi lawng an tuar-ing te lai.

Ralhrangbu nihcun anmah te lawng um hi an duh deuhmi a si caah san a tlai tuk lai lo. ASEAN in Kawlram chuah ding hi kan ruat bal lo.

Ramdang kongah va thlak zong kan duh lo, nain ASEAN nih a si khawhnak lam kawl kan duhmi a si. Singapore foreign minister nih mah biahalnak vialte hi US vice president Kamala Harris nih Vietnam le Singapore a tlawn lai ni 2 a duh ah a chim mi a si.
Ref; VOA (Cre-TCP)