Trump bantuk in British Prime Minister Boris Jonhson nih China cu ceilak in dan a tat ve cang

British PM Boris Johnson nih President Trump bantuk in China cu ceilak in dan a tat ve cang. Coronavirus ruangah lih le hrokhrawl a chimmi a tamtuk ruangah ramkip nih China cu an huat tak tak cang. Coronavirus in a zawh i a dam tthan mi British PM. Boris Johnson nih China cu ceilak in a phom ve cang.

British Prime Minister Boris Johnson nih cun China telecom company ngantuk mi Huawei he UK ram chungah 5G network hmang khawh ding in i remnak an rak tuah cang mi cu Coronavirus hnuah dawngter dih a duh ti a chim.

Mah hi a rang khoh in lam kawl a duh, natein fawitein dawngter khawh mi a si lo caah, Kum 2023 ah cun China he pehtlaihnak an ngei mi vialte cu dawngter dih a duh. Mah kongah hin Prime Minister nih official pawl hna cu theiternak a tuah dih cang ti Daily Telegraph nih a chim. Mah kongah hin Huawei company lei nih zeihman an chim lo

British newspaper lar ngai mi The Time nih a report ning ah cun Prime Minister Boris Johnson nih hin Cozah rianttuantu ngan sin ah Britain ram nih China ram in  a ra mi sii le thil dang dang vialte cu dawngter dih ding in lam kawl ding in nawl a pek cang. Boris Johnson hi June thla ah G7 summit ah tel ding in US ah kal a tim. Coronavirus hnuah khual a tlawn voihkhatnak si lai.

The Group of Seven (G7) ram hna cu : United States of America. Britain. Canada. France, Germany
Italy. Japan hna an si. Britain le British ti hi a khat ko. A dang dang si lo. Britain le British cu England, Scotland, Wales, Northern Ireland fawnh hna hi a si. England ti ah cun mah ramdang pathum hi a tel lo

Lam dang kawl a si; Britain nih Huawei he an rian ttuannak a dawng ter cang lai caah information lei ah China Company Huawai a lon khawh ding mi a rang nak in dir a her tiah a ti. Huawei lon khoh dingmi ser khawhnak caah Democracy ram i fawn i lam kawl ding in timtuahnak a ngei cang. Mah hming cu D10 ti a si lai (Democracies 10) Mah acun, Australia, Canada German, India, Italy, Japan zong an nih tel. Source : Daily Telegraph. The Time. Economic Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor