Trump caah thawngpang tha tuk mi; A ral China cu a tei cang

Trump hi November ni 3 election ah thim a si lo ah cun USA cu China tangah a um hrim lai ti a fiang. Trump nih China cu Trade War a tuah pi.

China nih zei ah a rel piak lo, natein kumdawng a vun si cu, China Economic nih a celh ti lo caah Trump duh ning bantuk in Trade Deal an tuah

Natein Deal cu thatein an kalpi hlan ah Coronavirus nih vawlei cung muinak khur ah akan luh pi. USA hi a tuarpi ram an si. Tu tiang thawngpang chia lawngte si. Mah bantuk in Coronavirus ruangah USA a buai lio ah minak pa thinak nih fakpi in buainak dang a vun chuapi tthan

Coronavirus ruangah USA le China cu fakpi in an nih phomh. China nih USA cungah zangfahnak ngei a tim ti lo, USA cu thil hmete hmangin dan a tat lengmang. USA nih China dan a tat ning cu a fak chin lengmang caah China zong nih USA cu tlerh a tim ti lo, toidorhtein USA nih a duh ah cun biarua tinak ngei ding in China cu tim cia in a um cang tiin a chim cang

Chinese State Counsellor & foreign minister Wang Yi nih a chim ning ah cun’ China-US Think Tanks & Media Online Forum via videolink kawmnak an tuahnak ah China cu kaupi in USA he bia ruahtinak ngei ding in tim cia in a um cang tiin a chim.

“US nih mah bantuk in China cungah dantatnak a tuah lengmang mi hi, China nih kan hmuh ning ah cun, USA nih China cu misual le mithalo bantuk in a kan ruat ruangah a si tiin kan hmuh. China nih Current China policy kan hmangmi kongah USA nih diklo ngaiin a kan ruat caah a si.

USA nih China cu spy bantuk in a kan hmuh peng i, kan siang hngakchia pawl hna zong an visa thapiak dih an si. Ramdang he hawikawm tha si ding in lam kan kawl mi poah hi hidden Agenda ah a ruat peng. USA he biaruatinak ngei din in China cu ready a si tiin a chim. Credit- Global Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor