Trump caah thawngtha, January ni 6 ah thil a cang mi ah FBI lei nih thawngthanhnak

Kan thei cia bantuk in January Ni 6 kha, US president thar caah thim mi vote fetternak tuah a si kha. Natein buainak fakpi a chuak i, Trump supporter pawl nih Capital hills chungah mi tampi an lut i, buainak fakpi a chuak i, a thi mi tiang an um kha

Mah kongah FBI lei nih mi tampi an tlaih cang hna i, Minung 570 leng an tlaih cang hna i, mah an tlaih mi hna hi an dihlak in interview an tuah dih hna hnuah

FBI lei nih thawngthanhnak an tuah mi cu January ni 6 ah thil a cang mi kongah Trump organisation le far-right pawl lei nih mah bantuk in buainak tuah i timnak a um lo tiin an langter.

Mah January ni 6 ah thil a cang mi kongah House Speaker Nancy Pelosi nih Committe dir a tim. Natein Republican lei nih minung 5 an chuahpi mi lakah minung 2 a cohlan lo caah Republican lei nih an dihlak 5 in canceled an tuah than hna. Natein Nancy Pelosi nih a tim mi a tlamtling kho ti lo caah amah in Democrat lawng minung hmangin

commmittee cu a dir thiam ko,  Zeidah a law lai ti zoh a si lio, Natein an mah Democrat party lei long nih an dir mi kha

cu zeibantuk thil an va hmuh zong ah house ah cohlan cu a si lai lo, a ruang cu House nih Committee adirmi a si lo caah si. Cre-Western Journal

Kawlram thawngpang.. KNDO he i kahnak ah Ralhrangbu le BGF anmah le anmah an i kap 23 an thi Karen National Uion (KNU) brigade 5 ramchungah a rak lut mi ralhrangbu le BGF fonh cu KNDO he August 19 zaanlei ah an i kap. Nizaan i kahnak ah ralhrangbu lei platoon commander telin minung 23 nak tlawmlo an thi.

BGF le ralhrangbu hna cu RPG in an i kah sual ruangah a thi mi ruak a tam ngai tiah KNDO ralkap pakhat nih a chim.

August 18 ah Nyatakukyo sakhan in ralhrangbu 2 hna cu Thai lei ah an zaam i, Thai ralkap nih an tlaih hna hnuah ralhrangbu sin ah an pek than hna.

Ralhrangbu nih KNU brigade 5 ramchung an rak luh ruangah August 14 in 17 tiang KNLA he an i kahnak ah ralhrangbu 8 an thi tial taung gyi news nih a tial. Cre-TCP