Trump caah thawngtha tak tak; Minak pa Charlamagne Tha God nih Joe Biden a ti ning nih USA ahninh bak ko. A hman tak tak

Joe Biden nih President Trump cu racist bik a si, USA President ah amah bantuk racist mi an um lai lo tiah fakpi in a rak soisel nak kong mah ‘Chin Page’ ah fiangtein ka ttial cang. Joe Biden nih President ka si ah cun ni 100 chung in USA ah racist hi ka hlawn dih lai tiah a chim mi zong kha ka ttial cang

Tu cu President Trump ceilak in a phomhtu amah Joe Biden likah cu minak pa, USA minak nih an uartuk mi le milar tuk mi nih ceilak in Joe Biden cu aphomh than ve cang. Trump dirpi tu an tam thluamah cang tinak si ko

Joe Biden nih President Trump cu “First Racist American President” a si tiah a phomh mi kongah, American Radio Show host lar ngai mi Charlamagne Tha God, nih President Trump cu dirpi in, ” Joe Biden hi tu lio LA bantuk a si “Joe Biden the “Donkey of the Day” tiah fakpi in a phomh ve cang

Charlamagne Tha God nih Joe Biden cu fakpi in a phomh chi i, “Joe Biden nih hi a cil hi lem cik cek seh a tha lai. Movie ‘A Quiet Place’ an zoh tawn bantuk in um seh tha ka ti.

Aruang cu mah movie ah khan mi vialte kha zeihman holh lo in an um dih tiah Joe Biden phomh nak ding caah a hmang

Black Lives Matter protests ruangah President Trump cu mi tampi nih an soisel peng. Charlamagne nih Joe Biden cu boruak thalo sertu ah apuh i, mipi tampi nih Rapper Kayne West vote an duh cang lai tiah a chim. “America hi hmun nuam lo tuk mi a si i, Kayne West bantuk in President si ding in an nih cuh ve cang tiin a chim

Charlamagne,  a min tak tak cu ” Lenard Larry McKelvey” a si. Joe Biden cu ceilak in a phomh i, “Racism hi American ah a um peng mi a si, thil thar zong a si lo. President Trump hi Racist President asi lo, Racist hi an rak um thluamah lai.

Racism caan lio te a tawn ve caah si ko, Joe Biden nih Donald Trump hi America’s first racists president tiah a chim mi hi a dik lo ti kan zoh ngam a her.  Donald Trump hi racist President a si lo,

Mah bantuk thil a cang mi vialte lakah hin USA mipi hna thatein kan nih zoh hmasa a hau” President 12 hna kha racist kan ti bal tung lo, an caan lio ah khan minak pawl cu sal bantuk in an rak zoh kha te, tiin a chim. Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor