US midterm election zeidah a lawh lai ti cu mipi nih heh tiah an ruahning le an hmuh ning an chim thluamah cang. Trump kongah Republican pawl cu an lungthin a thleng lo i, Trump lo cun Republican lei in US President si ding in kan duh mi an um lo an ti cang ko, Kum 2024 ah US president candidate
caah Trump an duh ning an langter nak ah Trump caah ruahchannak tampi a um ti a fiang ngai cang. Democrat lei nih
Joe Biden cu 2024 ah US president cu ti hla seh ti an duh ning an langter ve i, zeidah a law lai ti zoh si cang ko
I&I/TIPP poll nih a langter ning ahcun, Republican 60% nih Donald Trump cu 2024 ah US President i cu than ding in an duh tiin source nih a langter. Democrat lei nih Joe Biden a voihnihnak ding caah Democrat lei in President i cu than seh ti aa duh mi cu 37% lawng an si
Independent minung 17% nih Trump cu US president 2024 ah i cu than seh ti an duh ning an langter lio ah 8% nih
Joe Biden cu 2024 ah US President i cu than ve se ti an duh. US poll hi a biapi ngai mi a si si, an lungput le an duh mi an langter nak a si tawn caah poll hi a biapi ngai mi a si. Cred-Newsmax
Laitlang lei thawngpang…Falam ah Dalan tumtlangpi U Than Win meithal in an kah, a thih le nun a fiang rih lo.
Chin Ramkulh Falam khuachung Cinmual Sang lakphak-tidawr pakhat ah Dalan minthang U Than Win cu aho si hngalhlo mi hna nih lakphakti a dinlio ah meithal in an kah i a thih le nun a fiang rih lo, tiah theih a si. U Than Win (kum 60 hualham) hi Semaing Zung (Irrigation Department) ah Assistant Engineer a tuanlio mi a si i
nihin zaanlei 2:00 tluk lakphakti a dinlio ah aho si hngalhlo mi hna nih meithal zuun 2 in an kah, tiah Zalen nih a tial.
U Than Win hi ralrin pek aa huah bal mi a si i caan saupi a tlau hnu nizaan naite ah mizapi sin ah a mui aa langhthan mi a si. U Than Win cu lakphakti a dinlio ah azaktang le apaw ah tiin meithal zuun hnih in an kah i kethum-ngei motor (tungbing) in Falam sii-inn ah an tlikpi i atu hi a thih le a nun a fiang rih lo, tiah kan theih. Cre-THT