Trump chim mi cu a hmaan ngai. Taliban pawl zong nih pei Twitter cu an hmang ve ko cu

Kan thei cia bantuk in January ni 6 ah a cang mi, Capitol riots ruangah social media, facebook, Twitter, Youtube pawl nih Trump account cu an block piak i, hmang khawh lo in an tuah kha. Twitter nih cun permanent closed (zungzal in hmang khawh ti lo ding in) an tuah piak kha

Facebook nih cun thla 6 an chap i, mah hnuah a kong cei a si than lai i, bia khianak an tuah than te lai tiah an chim.

Youtube nih zeihman a chim lo. Nihin tiang a khar piak ve. Mah kongah former president Donald J Trump  nih a chim mi cu,

Taliban pawl nih nifatin an rian tuan ning Twitter ah an langter peng i, Kei, President ka rak si lio zongah Twitter nih an ka ngiat peng. ka ca post mi censored an ka tuah peng. Ka ca post mi poah, a dik lo lei kap in mi lungthin hruaitu tiah an ka ti piak peng. Zia, Taliban pawl zong nih an duh duh in an hmang ko i, an thil poah mi cu Twitter nih a ngiat bal lo i,

an duh duh an chim i. Natein kei cu hmang an ka siang lo tiin a lungtlin lonak heh tiah a chim Cre-RTK

Kawlram thawngpang tha….Nihin PDF-Kalay nih SAC ralkap 12 an kahthah hna. Nihin October 7, zaanlei 4:30 hrawng,

Kalay GTC sianginn pawng ah SAC ralkap pawl bomb phum mi an kawl lio ah PDF-Kalay nih bomb an puahhnawh hna i 4 an thi, tamlak an i hliam.

Cun, nihin zaanlei 5:30 PM hrawng ah Kalay in Thlanglei ah kal aa tim thiamthiam mi SAC ralkap cu PDF-Kalay nih bomb an puahhnawh than hna i 8 an thi, hliamh mi an tam, tiah cathanh an chuah.
SAC ralkap le palek CDM tuah a duh mi kan in cohlan rih ko hna,

nan chungkhar tiang in tuanvo kan in lak hna lai: NUG Acting President. October 7| Mizapi sin ah aa fon i CDM tuah a duh mi SAC ralkap le palek cu an chungkhar tiang in eidin ding siseh, an umthut nakding hmunhma siseh, ngandamnak tiang in siseh, tuanvo kan lak hna lai, tiah NUG Acting President Duwa Lashi La nih a chim.

Hihi Acting President nih October 6 lio biacah a chimnak ah a telhchih mi a si i CDM tuah sawmnak a chimchih mi a si.

Cun, NUG nih a tuanchuah ding mi Federal Ramkomh ah riantuan a duh mi cu an tuan kho lai i pension thlahlawh zong pek an si fawn lai, tiah a chim. Sagaing Ramthen ah khuabawi 6, cazi 2 le inn 100 uktu pakhat nih rian an chuahtak. October 7| Sagaing Ramthen, Shwebo Pengkomh, Wetlet Peng ah SAC phu nih riankhinh mi khuabawi 6,

khuabawi zung cazi 2 le ahohmanh nih riankhinh loin amah tein inn 100 a uktu 1 hna nih an rian an chuahtak.

Rian a chuahtak mi hna hi PDF nih ralrinnak an pek hna hnu in a chuak mi an si i rian a chuahtak chom ding zong an um len, tiah KTM nih a tial. Cre-RTK