Joe biden nih mah bantuk thil tuah a tim mi hi a tha ti mi an um ve ko, natein a tam deuh nih a tha lo an ti , a ruang cu US citizen a si mi, mi tampi nih harnak an tawn lio ah hi zat tangka, phunglam lo in US ram chungah a lut mi sin ah pek cu a tam tuk tiin an duh lonak an langter
Joe Biden nih phunglam loin US ram chungah alut mi sin ah bawmhnak kan phawt lai lo tiah a rak chim hnu tlawmpal ah
kan phawt than lai tiah a chim than caah heh tiah soisel le mawhchiat a si, Democrat a si mi tampi zong nih an duh lo ngai,
a ruang cu midterm election 2022 ah an sungh sual lai ti an tih caah a si. Phunglam loin US ram chungah alut mi, an chungkhar he thencheumi sin ah Joe Biden nih minung pakhat sin ah $450,000 payout ding in tim tuahnak a ngei. Mah kongah US mipi tam deuh nih an duh lo ning an langter cang
US minung 10 ah paruk nih mah bantuk policy hi kan duh lo an ti cang. Natein minak lak ah 54% nih mah
Joe Biden nih phunglam loin US ram chungah a rah mi, an chungkhar he thencheu mi sin ah tangka bawmh si seh tiah timtuahnak a nei mi cu tha an ti.
Natein mirang lakah 55% nih mah bantuk in phunglam loin US ram chungah a lut mi sin ah kan tangka (tax) in bawmh ding mi cu tha kan ti lo tiin an duh lonak an langter. An mah Democrat pawl chungin 52% nih bawmh ding an si ko tiin an cohlan i, Republican minung 76% nih kan cohlan lo, mah bantuk in US ram nih harnak kan tawn lio ah phunglam loin US ram chungah a lut mi
minung sin ah hi zat tangka phawt cu a tam tuk kan duh lo tiin an duh lonak an langter. Anmah Democrat chung lilah chungah a duh lo mi an tam ngai caah le
a duh mi hi Republican a duh lo mi nak in an tlawm deuh caah Joe Biden nih phunglam loin US ram chungah a lut mi sin ah mah bantuk bawmhnak a phawt ah cun Politic ah a lam donghnak a si lai tiah mi tampi nih an zum.
Natein Joe Biden nih cun bawmh ding in tim tuahnak a kalpi peng ko, A tlangpi in US mipi 30% nih bawmh si seh ti an duh lio ah a duh lo lei kap minung 61% an si.
Hi zat tangka phunglam loin US ram chungah a lut mi, chungkhar he thencheu mi sin ah taxpayeer pawl nih an pek mi tangka hmang in bawmh ding mi cu a si kho bak lo ti lei kap an tam buh in Joe Biden nih a bawmh thiam thiam a si ahcun Midterm Election ah Democrat pawl caah cun ruahchannak a tlawm ngai cang lai tiah zum a si. Cred-Foxnews