Trump hi cu uar um tuk ee!! Obama le Bush nih an tuah khawh bak lo mi a tuah cang

Uar um tuk e, President Trump a thatlo ning ttial ka tim zong ah US le vawlei cung ramkip caah a thil tuah mi, thil tha a tam deuh caah a thatlonak le soiselnak cu ka ttial khoh bak lo. Minung a si caah palnak le thatlonak tampi a ngei lai.

Mi vialte kan si dih. Natein US le vawlei cung caah a thil tuah mi le bia dik le bia hman a duh ning zoh tikah a thatnak hi vun ttial tthan ning law

Ohio ah Whirlpool manufacturing company onhnak ah bia a chim mi, US mirum pawl le thil tuah kawh mi pawl nih an doh ning le a caah tih a nung ning le mi tampi nih tha an duh ning kong ka vun ttial cang kha. A rel duh mi nh cun mah Chinpage ah kawl law rel khawh in a um lai

Obama President kum 8 a si chungah tuah a tim mi le tlamtlingter a tim mi, a tuah khawh bak lo mi le Bush kum 8 President a si chungah a tuah khawh lo mi cu President Trump nih kum 3 le cheu hrawng President rian a tuan chungbak ah tlamgtling tein a tuah/ser khawh cang

Mah bantuk in Middle East pawl caah thil sunglawi tuk mi a tuah caah Trump hi Noble Peace Prize pek ding a si tiah mi tampi nih an uapi cang. Nili/Thursday ni ah President Trump nih Israel le UAE lei phone in a chon hnuah Peace Treaty cu tlamtling tein a tuah pi khawh cang

Mah bantuk in President Trump nih Middle East ram a buaituk mi karlakah dainak lam a ser khawh caah Media tampi nih Trump thil tuah mi a sunglawi ning le uar um ning an ttial thluamah (Natein Trump ahuat ngai mi US Mainstream media pawl hna cu ka zoh lo caah, an ttial maw ttial lo ka thei lo)

Mah bantuk in Trump nih dainak a ser khawh hnuah Twitter ah mah ti hin a vun ttial. “HUGE breakthrough today. Historic Peace Agreement between our two GREAT friends, Israel and the United Arab Emirates!”

Mah bantuk in dainak lam an ser khawh cang caah, UAE zong nih Israel ram ah Embassy an ngei khawh ve cang lai i, Israel zong nih UAE ah embassy an ngei ve cang lai. Mah bantuk in dainak an serkhawh hnuah Israel PM Netanyahu nih Crown Prince of Abu Dhabi Mohamed bin Zayed cu lawmpinak ca a kuat cawlh i, a ca ttial mi cu  “Salam Aleykum v’Shalom Aleynu – peace unto you and peace unto us”. tiin

Israel le UAE an dirhmun/history zoh ah cun uico le meheh bantuk an rak si. Mah bantuk in President Trump nih UAE le Israel kar lakah dainak a ser khawh caah vawlei a hninh bak mi thawngpang a si

Mah bantuk in President Trump nih dainak Israel le UAE karlakah a ser hnuah National Security Adviser Robert O’Brien nih cun “President Trump nih mah bantuk in thil sunglawi tuk mi “deal” a ser khawh caah Nobel Peace Prize pek ding a si” tiah a chim.

Israel nih hin Jordan le Egypt lawng agreements a tuah pi khawh i, mah bantuk in UAE he dainak an ser khawh cah Middle East ah Muslims, Jews, le Christians hna cu unau bantuk in zalawng tein an um khawh cang lai.  Credit-RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump hi cu uar um tuk ee!! Obama le Bush nih an tuah khawh bak lo mi a tuah cang"

Leave a comment

Your email address will not be published.


*