Hillary le Joe Biden kong mah chinpage ah ka vun tial cangkha, thawngpang thar a vun chuak than lengmang tikah US politic cu a linsa ngai cang. Midterm Election hi mipi nih zeidah a law lai an thei duh ngai mi pakhat a si cang. The Hill nih Hillary cu US nusal pakhat a si ve tikah le White House ah rian tampi a tuan cang mi a si caah le
US nu ah president hmasa bik mi a si khawh ding mi a si tiin a vun tial Hillary hi former first lady, US senator,
New York le Secretary of State a rak tuan cang mi a si tikah White House rian tuan ning cu a thei tuk mi a si.
Natein kum 2016 ah a sungh caah US politic ah a caah lam a dongh cang ti khaw a si, natein vantha in kan ti lai maw vanchia in kan ti lai, US president Joe Biden cu approval rating ah a chia tuk caah Hillary caah lam kaupi a vun onh tthan. Trump le Hillary Clinton cu kum 2014 ah US presidential ah an nih thuat than lai tiah zum a si.
Republican lei in a ho hman president i cuh ding in min langter mi an um rih lo. 2022 hnuah former President Trump nih
amah kong cu a chim te lai, Atu dirhmun zoh ahcun republican lei in Trump a tei khawh tu an um ri lo caah Trump hi
kum 2024 ah president a cuh than lai ti cu mi tampi zum ning a si, NBC host Willie Geist le Hillary Clinton interview an tuahnak ah kum 2016 ah Hillary a sunghnak ruang cu James Comey nih, Hillary Clinton kha ni 10 hrawng election caan a um tiah Hillary Email a leak out ter caah mah ruangah a sungh mi a si ti kha Hillary zum ning a si i, a ruangnak ruangah
FBI Director Comey a si tiin a puh. Hillary nih kum 5 leng politic ah zeihman thawngpang a vun ngei ti lo hnuah a tu cu
kum 2024 ah former President Trump he interviews tuah than a ngam ning a vun chim than. Atu hi Democrat party
chungah bia le hla a tam ngai i, New York Andrew Cuomo cu nu le covid kongah amualpho tuk caah mi tampi nih na rian kal tak cang an ti i a rian in a phuah cang. Gov. Gavin Newsom (D-Calif) chap cu an state mipi nih an duh lo ning a zual chin lengmang fawn, Transportation Secretary Pete Buttigieg cu amah bantuk asi mi pa, cu nupi caah a thit caah
Democrat chungah a duh lo mi an tam tuk cang fawn, Sen. Bernie Sanders (I-Vt.) le Sen. Elizabeth Warren (D-Mass.) Sen. Cory Booker (D-N.J.) hna hi
an upa tuk cang tikah atu hi Democrat party chungah leader tha an her ngai i, an party chungah buainak fakpi a um ti thawngpang a tam ngai
Midterm Election ah Republican pawl nih House le senate ah teinak an hmuh khawhnak ding caah heh tiah an nih zuam cuamah lio i, Hispanic le Latinos pawl nih Democrat party cu heh tiah an chuahtak fawn tikah kum 2024 ah Trump le Hillary hi Presidential candidate caah hmuh than an si lai ti hi mi tampi zum ning a si. Cred-RTK
Kawlram thawngpang..Nizaan ah kahdohnak fakngai in a chuahnak Laykaegaw (လေးကေ့ကော်) ah ralhrang bawmtu ding ah thlahmi ralhrang phu le KNLA kar Metraw Talay(ထော်သလေး) khua pawngah nihin zinglei ah kahdohnak a chuak than tiah khuachung thawngzamhnak nih a langhter.
Nihin December 16, zinglei suimilam 9:00 luan ah ralhrang phu le BGF phufonh nih Laykaegaw (လေးကေ့ကော်) khuachung luh an timh lio ah kaphnihkar kahdohnak a chuak. Nizaan Laykaegaw (လေးကေ့ကော်) ah a chuakmi kahdohnak cu zinglei ah voikhat, zaanlei ah voikhat kaphnihkar kahdohnak a chuak. Cu kahdohnak ah cun ralhrang lei in a tlawmbik minung 30 leng an thi lai tiah cu thawngzamhnak nih cun a langhter. Credit-The Irrawaddy