Democrat pawl nih an tuah sual ngai mi cu a tu cu theiper an zum cang lai tiah zum a si. Aruang tampi chim ding a um. Pakhatnak ah Joe Biden nih Presidential campaign a rak tuah lio ah a biakam mi pakhat hman tlam a tlingter mi a um lo, Covid hi ka tai lai tiah a rak chim i, natein Covid tu nih Joe Biden cu a tei cik cek, covid hi ka dawngter lai tiah a rak chim.
Natein Trump president a rak tuan lio nak in Joe Biden president attuan hnuah US mipi a thi mi an tam deuh.
Pahnihnak, US border ah phunglam loin US ram chungah a lut mi an tam tuk caah US state tampi nih Joe Biden thil tuah ning cu an duh ti lo.
Pathumnak, Joe Biden president a vun si bak in thil man a kai tuk cang caah le supply chain ruangah mi tampi nih an herh mi an cawk khawh ti lo, Palinak, Afghan Withdrawal a tuahnak ah Joe Biden a chuahsual cik cek i US ralkap 13 le Civil pakhat cu ralhrang pawl kut ah an rak thi caah American mi tampi nih US a cu Taliban ah a sungh bantuk ah an ruat caah
Joe Biden cungah an thinhun ngai, tampi tial ding mi a um, zah rih ko seh, November ah Midterm Election ngei a si lai.
Rep. Ken Buck, R-Colo nih Newsmax sin ah chim ning ah cun, 2022 Midterm Election ah Republican party nih 25 seat leng kan nih chap lai i teinak kan hmuh hrim lai tiah a chim. A chim chap ning ahcun, US tuanbia kan zoh ahcun, Midterm Election hi a thleng lengmang i, White House ah party pakhat nih nawlngeinak
an coh ahcun Senate le congress ah party dang nih ngawlngeinak an coh lengmang tawn. Cucaah atu midterm Election kan ngei ding mi ah hin seat 25 leng
cu a thleng ding mi a um, mah nak in tam deuh hman a si kho. Kum 2010 ah thil tampi a thleng mi kan hmuh i,
Cun, kum 2014 ah Republican pawl caah thil tampi a thleng kha. Atu Midterm kan ngei ding mi zongah Republican pawl nih teinak kan hmuh hrim lai tiah a chim. Atu hi House ah Republican pawl hi vote 5 lawngin kan tlawm deuh, Natein Midterm Election ahcun vote nga leng kan nih chap lai i kan mah kut ah House hi a um cang lai.
Midterm Election ah 20-25 karhrawng Republican lei kan nih chap lai caah Republican pawl nih teinak
kan hmuh hrim lai tiin a chim. ABC News/Washington Post poll ah atu hi Republican Congressional candidate pawl thawngpang a tha ngai i, Poll ah hma an hruai lio a si, Kum 40 hnuah Midterm Election kongah Republican pawl caah thawngpang a tha bik caan a si tiin ABC News le Washington Post poll ah a lang. Cred-Newsmax