US midterm cu Nihnih Ni/ Tuesday, November 8, 2022 ah ngei a si lai. Republican pawl nih teinak an hmuh khonak ding caah former President Trump nih state tampi ah heh tiah Rallie a tuah cang i, tangka a hmuh mi zong a tam tuk cang. Tu tan an ngei ding mi Midterm election hi a biapi tak tak mi a si, Aruang cu Republican pawl nih teinak an hmuh ahcun
Joe Biden cu President a sinak in phuah ding in tim tuahnak an ngei. Joe Biden impeachment tuah
ding in biaceihding mi panga an chuah pi cang. Mah kong hi Chinpage ah voihhnih fiang
cik cek in ka rak tial cang kha. Senator Ted Cruz le House minority leader MCCARTHY, Kevin nih fiang cik cek in an rak chim cang kha. Tutan Midterm Election tuah ding mi ah, Republican party chungin former President Trump nih a dirkam mi/endorsement a tuah mi dihlak cu Primary election an an tling dih tiah Washington Examiner Columnist Paul Bedard nih a chim.
Midterm Election ah Republican pawl nih teinak an hmuh khawhnak ding caah
former President Trump zong heh tiah a cawlhcang. Republican pawl chungah
Republican In Name Only (RINO) an um pa tawn caah mah bantuk hi Trump nih a duh lo ngai mi a si. RINO ti sullawm cu, a min lawng in Republican a si mi, natein Democrat lei pawl agenda a dirkam tawn mi hna hi an si. Mah bantuk pawl hi Trump nih Election ah an nih cuh than lo nak ding caah heh tiah a cawlhcang i, mah bantuk pawl umnak state ah Trump nih republican pawl chungah mi tha kha heh tiah a
dirkam hna i, campaign a tuah pi hna. Washington Examiner Columnist Paul Bedard nih a langter ning
ahcun, Trump nih a dirkam mi 55-0 in Primary election ah teinak an hmuh tiin a chim. Cre-NewsMax
Kawlram thawngpang…PDF Pakhat Ni 4 Chung A Tlau Hnu Ah A Hliamhma He Hmuh Ṭhan A Si. Kaya ramkulh Demoso peng, Dawngankha khua ah SAC ralkap le Demoso tualchung PDF kahdohnak ah a hliamhma he a tlau mi PDF pakhat cu nihin May 4 zaan ah kan hmuh ṭhan, tiah Demoso tualchung PDF nih an thanh.
April 30 lio SAC ralkap le PDF Phufonh hna kahdohnak ruangah minung ṭhencheu in an um i,
PDF battalion A in ralkap Zaw Win Htut cu a hliamhma he a bau, tiah theih a si.
A tlau mi Zaw Win Htut cu byu-ha 3 in A,B,F,J battalion tat-khuai ralkap hna nih ni 4 chung an kawl i, a nilinak nihin May 4, zaanlei suimilam 5:00 ah hliamhma fak ngai he hmuh a si i, a himnak hmun ah sii-ai he thlopbul colh a si, tiah an thanh.
==SAC ralkap in Brigade 11 kuttang Khah – Mah – Yiah 215 in ralkap Twin Thu Ko cu KNU Brigade 6,
Battalion 27 sin ah hriamnam he nihin May 4 ah aa fonh, tiah tualchung thawnglatu Klo FM nih a langhter. Major Taw Zin Tun hruai mi Khah – Mah – Yiah 215 nih Kawkareih thlanglei khuate hna cu, mei in kan duah hna i thilri zong kan fir, tiah nihin May 4 ah KNLA sin ah aa fonh mi SAC ralkap Twin Thu Ko nih a chim.
Major Taw Zin Tun hruai mi SAC ralkap hna cu a luancia thlaruk hrawng in Kawkareih pengchung ah
rallam an sial i Anfagyi khua, Kamaingone khua , Ywa Thit khua hna tel in a dang khua tete hna
chung ah an lut i, inn le lo tampi kan hrawh, tualchung mipi ngeih mi thilri hna zong an laak, tiah CDM a tuahtu Twin Thu Ko nih a chim. “Anfagyi ah cun kanmah le phu cio in innkhat hnu innkhat kan mawi. Cheukhat cu sui zong an i hmuh, phone hna zong an laak, kei zong eidin pawl ka laak ve,” tiah a chim. “Cu pinah rallam kan sial lio ah rithai-sii a tawngtham mi zong an um. Mipi sin ah kai fonhnak aruang cu SAC ralkap chung ah pakhat le
pakhat i namnehnak a tam tuk i, thlahnawh zong ṭha tein a kan pe kho fawn lo,” tiah a chim chap.
Ralkap Twin Thu Ko cu Kyua Phyo battalion zung um Bo Saw Nyien Chan sin ah MA 3 meithal 1 le kuan bawm 2, kuan khat tein a um mi he aa fonh. Hriamnam he hmunkhat ah CDM a lut mi cu NUG cozah he kan pehtlaih piak lai i, phaisa laksawng pek a si lai, tiah Kyua Phyo Battalion in Bo Saw Nyien Chan nih Klo FM ah a chim. Cre-TCP