Vawleicung ramkip Covid ruangah kan buai dih, Natein US bantuk in politic ah lak i a buai mi ram an um lo, US president Joe Biden nih covid i vennak caah tiah nawl a chuah mi vialte cu biaceihtu pawl nih an thah piak dih cang. Supreme Court nih nai ah Business a ngan mi ah a tuan mi pawl nih Vaccine an lak hrim lai tiah/Vaccine Mandate a rak tuah mi cu an rak thah piak kha. Cu hlan ah appeals court le Federal Court nih
voihthum an rak thah piak cang kha, Federal judge/Biaceihtu Jeffrey Brown Texas nih President Joe Biden nawlchuah mi cu
zahan ah a thah piak than hoi. President Joe Biden nih Federal tangah cozah rian a tuan mi vialte cu vaccin nan lak dih lai tiah nawl a rak chuah.
Mah kongah President Joe Biden nawl chuah mi cu Texas Federal Court ah taza cuai a si i, Texas Federal Judge, former President Trump nih a rak chim mi, Biaceihtu, Jeffrey Brown nih mah bantuk hi US phunglam a si lo tiin a thah piak. US President nih mah bantuk tiang nawlngeinak a rak ngei lo tiin Brown in the U.S. District Court in Galveston, Texas nih fiang tein President Joe Biden nawlchuah mi a thah piaknak ruang a chim.
Mah bantuk in Biaceihtu nih thawngthanhnak a tuah hnuah, Biden administration, Justice Department nih cun, mah Texas, federal
Judge nih president Joe Biden nawlchuah mi athat piak mi hi appeal kan tuah than lai tiah an chim. Breitbart
Kawlram thawngpang dang….Sagaing ramṭhen, Kawlin peng ah ralhrang ngeih mi Oo Paing Company nih an chuah mi Sinmin bilatmyae tun 1500 cu mipi vengtu ralkap nih an tlaih, tiah Kawlin Pa-Kah-Phah nih thawng an thanh. January 19, zingka suimilam 9:00 ah Shwebo-Myitgyina kar, Byo-Ha(ဗျူဟာ) lam cung ah Kawlin-PDF nih cheknak an ngei.
Cu lio ah ralhrang company Oo Paing Company nih an chuah mi Sinmin bilatmyae tun 800 a rak phortu motor, 7N/2784 cu PDF nih an tlaih.
An tlaih mi motor a rak mawngtu le a hnuzultu cu an thlah ṭhan hna. Bilatmyae a ngeitu cu Daw Saung Lay a si; hi hnu ah ralhrang nih chuah mi thil pohpoh phor ti lo ding in ralrinnak an pek, tiah Kawlin-PDF nih an thanh.
January 19 zanlei suimilam 4:00 zong ah Sinmin Bilatmyae tun 700 a rak phortu motor pakhat cu an tlaih chap. January 19 nikhat chung ah Ralhrang chuahmi Sinmin Bilatmyae tun 1500 kan tlaih i kan fim, tiah a tlaitu PDF nih thawng an thanh. Sinmin Bilatmyae cu ralhrang ngeihmi Oo Paing Company le Switzerland ah a um mi LafargeHolcim Company i bawm in an chuah mi a si. Cre-TCP