Trump nih Afghan a zam tak mi President Ghani cu a phomh ning cu a hman tak tak

Afghan kong tial ding tampi a um. Thawngpang thei ding mi a tam chin lengmang. US nih Afghan a chuah tak bak in China nih caantha caan sunglawi tuk mi a si tiin Afghan ram chungah business tuah ding in heh tiah lam a kawl cang. (Chinpage hi US thawngpang tialnak a si caah US thawngpang na rel khawh peng nak ding caah Chinpage hi like le follow vun tuah ve)

Afghan President, An ram a zam tak mi, Ghani cu former President Trump nih a vun phomh ve ang i, mi ralchai bak na si,

Mah le ram a zam tak mi cu Croock tak tak na si. US Senate pawl zong nih an dirpi ngai mi na si. Nawlngeinak ngan pi na ngei tiin a chim hnuah,

a hlan ah a rak chim cia mi cu a chim than i, ” Ka rak chim cia bantuk in US nih Afghanistan kan chuahtak hlan ah hnunglei ah a kir ding mi  President a si tiin ka rak chim cang kha. Ka chim mi kha a hman mi si lo maw tiin. Cun tangka na lak kho mi poah cu na lak i, tangka tampi he mah le ram a zam tak duh mi minung a si tiin a chim

Afghan ralkap hi vawlei cung ralkap dirhmun zoh i an thlahlawh a tam ngai. U.S. taxpayer pawl nih an thlahlawh an pek piak hna.

Afghan ralkap pawl nihhin an ram caah rian tuan lo in an thlahlawh ca lawng in rian a tuan mi an si. US nih a chuah tak lai ti an thei i,

thahlawh an lak mi a tlawm tuk  lai ti an thei caah US nih hriamnam tha tha kan pek mi he ramdang ah an zam dih tiin former President nih Afghanistan president cu fakpi in a soisel hnuah Afghanistan ralkap pawl an ral chiat ning le an ram an dawt lo ning kong he ceilak in a phomh hna. Source-RTK

Kawlram thawngpang…Sagaing ramthen, Kalaymyo peng ah ralhrang phu le Kalay-PDF kar kahdohnak a chuak, ralhrang phu lei in minung 8 an thi

Kalay-PDF lei in minung pathum hliam an tuar. Sagaing ramthen, Kalaymyo peng chaklei Laychia(လယ္ျခား) khua pawng ah ralhrang phu hna le Kalay mipi vengtu phu kar ah nihin

September 4, zinglei in chunhnu tiang kahdohnak a chuak than. Ralhrang phu lei in minung 8 an thi. Mipi vengtu phu lei in minung pathum cu hriam ngan nih a hliam hna tiah Kalay-PDF sin in theih a si. Ralhrang phu hna nih Kalaymyo chaklei,

Magway ramthen he a pehnak Inngyun(အင္းကၽြန္း), Yeeshin (ေရရွင္) khua ah lut in mipi umnak inn cu meikhangh in an hrawh piak hna.

Laychia(လယ္ျခား)khua lei an kir ah Kalay-PDF nih an doh hna caah chunhnu tiang kaphnih kar kahdohnak a um tiah theih a si. Ralhrang phu hna nih hnahnawhnak a pek hna caah khuachung mipi hna cu a himnak hmun ah zaam in Kalay-PDF ven an si tiah Kalay-PDF nih cathanh an chuah. Cre-Khit Thit Media