Kum 2022 thar a vun si cu Republican pawl le Trump ttantu pawl caah thawngpang tha thei ding mi a tam ngai. Trump nih zahan zan ah rallie a ngeinak ah a chim mi cu, White House hi kan mah kut ah a um than ding a si, mah bantuk in US a hrawhtu pawl kut ah White House hi kan chia kho ti lai lo tiin a chim. Mipi sin ah,
kha vote thlak tikah nan dihlak in vote ding in chuak dih u, thatein vote nan pek ahcun i hlennak ti bantuk
a um lai lo tiin a chim. Trump nih rallies a tuahnak ah mipi an tam tuk i, mipi zong an thinhun ngai ti a fiang,
atu US dirhmun an zoh tikah an hna a ngam kho hrim bak ko. Florence, Arizona ah rallies a tuahnak ah mipi an khat dih. US ramchungah hi thatein a him khawhnak ding caah ka duh, US ramchungah election kan tuah mi hi zumtlak a si ding a si. Atu cu vawlei cung ramkip nih US cu nihsawh kan si cang, mah bantuk hi ka
zoh kho hrim lo tiin a chim. Arizona in red mi pawl heh tiah kan thawngnak kan langter chin lengmang lai i,
US ram hi kan kut ah kan chia than lai. Cucaah tu kum 2022 ah midterm election kan ngei ding mi hi a biapi tuk mi a si.
Midterm Election hmangin House le Senate hi kan kut tangah kan chia than a herh cang. Kum 2024, President thimnak hi a biapi tuk mi a si lai, Kum 2024 hi US kan kut ah kan chia than kum a si lai, mah kum hi a biapi tuk mi si, kum 2024 ah White House hi kan lak than lai. Nai ah Joe Biden le Russia president Putin an meeting an tuah mi le
China president Xi Jinping he meeting an tuah mi nih fiangtein alangter mi cu, Joe Biden nih US mipi zei ah a kan rel lo ti a langter.
US mipi caah heh tiah ka zuam. President ka tuan cungah Covid sii kan serh khawh. Joe Biden nih Covid hi ka tei hrim lai tiah presidential campaign lio ah a rak chim, natein a tu hi zoh tuah i, a letli in US ram ah covid a tam i, a dam lo mi an tam chin. lengmang hlei ah a zawh mi an tam chin lengmang, US ramchungah thil man
a kai ning hi zoh tuah u, mah bantuk hna hi Joe Biden santlaih lo tuk ruang lawngte a si hi. Atu US nih
buainak kan tawn mi vialte hi ka rak chim chia mi kha nan thei lo maw, Joe Biden nih zeitik hman ah US ram hi a zohkhen khawh lai lo tiin. Election lio ah Covid hi ka tei hrim lai tiah bia akam lo maw, Ka lawng in bia a chim hmang mi pawl hna nih hin US ram caah zeihman thil tha an tuan kho lai lo ti nan nih fiang cang ko lai tiin Arizona ah Rallies a ngeinak ah former President Trump nih a chim. Cred-Newsmax