Democracy ram ah hin President le Prime Minister nak in nawl ngei deuh mi hna hi Judge/Sihni hna hi an si. Aruang cu president le Prime Minister nawl a tha piak khawh tu cu court ah judge pawl hna hi an si. Joe Biden zong covid dohnak kongah nawl a rak chuah mi cu Court nih a cohlan piak lo i a thah piak hna.
President Joe Biden nih nawl a rak chuah mi cu State 24 nih kan cohlan lo, kan duh lo tiin Court ah taza an cuai i,
Nihin ah Court nih order a chuah mi ah, State 24 nih Joe Biden cu an tei. President Joe Biden nih siang inn (Head Start) cachimtu hna cu
vaccine nan nih chun dih lai tiah nawl a rak chuah. Mah hi State 24 nih an duh lo i, Court ah tazan an cuai i, Nihin ah Louisina Federal Judge nih order a chuah i, Joe Biden nih mah bantuk in Teacher pawl hna cu January ni 31 hlan ah vaccine nan nih chun dih lai i, ngakchia kum 2 cung lei cu mask nan hmang dih lai
tiah nawl a rak chuah mi cu Lousiana Federal Judge Terry Doughty nih phunglam a si lo tiin Joe Biden nawl a chuah mi cu a tha piak
Head Start hi Federal cozah tangak in zohkhen mi a si i, mah hi low-income pawl kum 6 tanglei mi caah tuah mi a si.
Lousina Federal Judge Doughty hi former President Trump nih a rak thim mi a si. Judge Terry Doughty nih a chim ning ahcun, State nih nawl an ngei, State nawlngeinak ah White House nih a duh duh in thil a tuah ding a si lo, State nawlngeinak cu state nih a duh ning tein a kal pi lai, mah bantuk
State nawlngeinak ah White House nih a duh duh in phunglam a tuah lengmang ahcun
US hi Democracy ram a si ti lo tiin Joe Biden nawl chuah mi a tha piaknak kong a chim. Cred-Newsmax
Kawlram thawngpang….Middle East ram pakhat a simi Turkmenistan ram Airport pakhat in Iran hrambunh Qeshm Fars Air airline ta Boeing-747-281B vanlawng cu Dec 30 ah khan a thli tein Naypyidaw Airport ah a ṭum. A phawrhmi thilri hna cu an thlak dih hnu zan 10:00pm hrawngah Iran ram Tehran Airport ah a kir ṭhan. Naypyidaw ah a rak phawrhmi
thilri hna cu ral hriamnam he aa pehtlaimi an si tiah theih a si. Airline ah rianṭuantu bawi pakhat nih
“Vanlawng hi a rak chuahnak hmun an langhter lo. Naypyidaw in a kir i Iran ah chikhat a ṭum, cu hnuah Syria ramri hrawng a tlau i Jan 1 ah Iran ah a ṭum ṭhan. Ral hriamnam a rak phawrh ruangah vanlawng umkalnak hmunhma cheukhat an thuhnak a si” tiah a chim. Ref: The Irrawaddy