Trump nih dan a tat hoi cang lai; China mirum, Company ngei mi pawl an mangchia tuk cang

Chinpage nih laitlang lei ah thawngpang kan tial kho lo, a ruang cu Laitlangah agent/Journalist kan ngei lo caah si,  midang nih facebook ah an ttial mi, tu lio Politic kong hi cu mah page ah mipi rel dingah vun thla kha cu Political analyse  pawl a si lo caah kan thla duh lo, Chinpage ah thawngpang kan ttial mi a kan rel piak tawn mi nan cungah lunglawmnak tampi ka ngei

Chinpage hi cu International thawngpange lei hi kan ttial deuh caah International thawngpang na thei duh ah cun mah page hi vun like law, ni khat ah International thawngpang hi 4 lengmang kan thla tawn. tu lio cu, Super power race ruangah China le USA cu fakpi in an buai caah, USA le China kong hi kan ttial tamnak ruang a si

USA mirum Jack Ma cu USA nih hremnak a peknak kong kan ttial cang. Cun China Banks pawl, China cozah he pehtlaihnak a ngei mi pawl, USA nih dan tatnak a tuah nak kong kan ttial cang. Cun China companies 40 leng USA nih a hremning kong kan ttial cang

Tu cu mino nih an uar ngai mi Tik Tok zong President Trump nih USA ram chungah phih ding in lam an kawl lio ti Nithum ni ah a chim. South Lawn, The White House in Texah ah a kal hlan ah, “We’re looking at TikTok, we’re thinking about making a decision” tiin a chim. Biakhianak cu an tuah lo, Natein a rau hlan ah phih a si lai ti cu a fiang cang

Tik Tok hi China nih spy/ngiahnak caah an hmang ti cu an thei. Treasury Secretary Steven Mnuchin, President Trump pawng ah dir in,  “TikTok cu Committee on Foreign Investment pawl nih national security risk a si maw ti hlethlainak an tuah lio” a si tiah a chim

Chinese parent company Tik Tok  nih tangka kongah an rian ttuan ning hi $50 billion hrawng a si, mah bantuk in US nih a phih ah cun Chinese-based parent firm ByteDance caah cun mangthia tak tak a si lai. Tik Tok American users hi 80 million leng an si.  Joe Biden’s presidential campaign staffers pawl caah Tik tok hmang siang a si lo

TikTok CEO Kevin Mayer nih mah bantuk in US nih Tik Tok phih a tim caah US cu fakpi in a soisel tthan i,  political advertising kongah si seh advertising ah zeihman thil thalo kan tuah lo tiin a chim. Senator Josh Hawley, Missouri Republican, nih ‘No TikTok on Government Devices Act’ tiah a chim mi cu, U.S. Senate Committee on Homeland Security and Governmental Affairs nih an rak passed cang. Credit- White House & The Guardians

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor