Trump nih Golf a celh mi cu Joe Biden nih fakpi in a soisel caah President Trump nih ceilak in a phomh tthan

President Trump a soisel tam poah le mual a pho chin lengmang cang ko hi, USA politic cu ngai a nuam chin lengmang cang, an nih phomh thluamah cang ko, President Trump nih Zarpini (Sunday) ah Trump National Golf Course, Washington DC lenglei ah a din chung. Mah a din chung karlak teah cun Golf a celh mi cu Former Vice President Joe Biden nih fakpi in a phomh i, President Trump nih Memorial Day Weekend  twitter a hmang tamtuk mi le US Coronavirus ruangah minung 100,000 hrawng an thi lio ah mah bantuk in Golf a celh mi cu fakpi in a soisel.

President Trump nih cun USA ram nih harnak kan tawn lio le ram caah fakpi in rian ttuan a herh lio ah Twitter a hmang tam tuk mi le Golf a celh mi cu USA ram caah rian ttuan tak tak a tim lo ti a langter ttin a soisel. Cun, kei nan ka thim ah cun zeitik caan poah ah ka ram le ka miphun caah rian ttuan ka tim peng tiin a chim chap

Mah bantuk in Joe Biden nih President Trump a soisel mi cu, President Trump nih a leh cawlh. ” Sleepy Joe’s Representative pawl nih cun Golf ka celh lio cu advertisement an langter, Zeitik caan poah ah White House ah um peng ding in na ka hnabeisei maw? Thla 3 chung bak Golf ka celh ti lo ti a langter duh lo. Mah pawl hna nih hin mi dang thil tha an tuah mi zeihman an langter duh bal lo.

Mi dang sin ah lungput thalo lawngte ser an nih timh. Joe Biden nih zeidah a tuah? Mah bantuk in kan buai lio ah, America mipi himnak caah ka caan vialte ka hmang dih, zan zawngah it caan ka ngei lo. Mah bantuk in ka buai lio ah amah cu ih longte in a caan a hmang. Barack Obama zong kha Golf celhnak le khualtlawnnak ti lo zeihman US caah a ttuan lo. 747 hmangin Hawii lei ah a zuang. I din zong hi ka herh ve dakaw” tiin a chim. Source- DailyMail

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor