Former President Donald Trump nih President Joe Biden a si ning ka zoh lengmang i zeimawh thil dik lo mi zei mawh a umti a fiang ko tiin a chim, Joe Biden ahhin cognitive impairment a um tiin a chim. (Chinpage hi US thawngpang tial nak a si caah US thawngpang thei na duh mi poah mah Chinpage ah rel khawh a si lai. Like le follow vun tuah ve law, US thawngpang na rel khawh peng lai).
A hlan ah Sleepy Joe tiah ka au tawn a ruang cu a um tuk ning ka zoh lengmang in fiangtein thei khawh a si ko tiin a chim
Trump hi northern New Jersey lei ah a chungkhar he caan an hmang lio si. Atuah tawn mi cu Golf tuk kha a si.
Kum 2024 ah Biden /Vice President Kamala Harris ah a ho dah President caah zuam cawlh na duh deuh tiah an hal mi cu former President Trump nih Democrats lei nih President caah an duh mi poah he kan nih zuam cawlh ko lai tiin a chim. “Biden or Vice President Kamala Harris, lei kap ka chim kho lo.
Biden hi a kum zoh in upa tuk mi a si lo. Natein amah zoh in thil dik lo mi a um ti a fiang ko. Kum 79 lawng a si.
Amah nak in upa deuh mi, natein thil theinak lei ah a chambau lo mi le a buai lo mi tampi ka thei hna. Kum 70, 80,
kum 90 si zong ah ram le miphung caah thatein rian tuan khawh a si ko tiin Joe Biden kong a chim. Bernie Marcus of Home Depot zong kum 90 a si ve cang natein a theinak le aruahnak ah zeihman chambauanak le buainak a ngei lo, Natein Joe Biden ah zeimawh a dik lo mi thil
(something is wrong. Something is going wrong there) a um, natein tampi ka chim lai lo. Thatein orh lei ah a kal ding mi, kehlei ah a kal mi a tam tuk,
tampi ka chim duh lo tiin a chim. Biden’s approval rating cu a niam chin lengmang cang, Mexico Southern Border & Afghan Withdrawal kongah a chia chin lengmang. Cred-RTK
Kawlram thawngpang a linsa ngai….Nizan ah Council Ralkap North West Command Commander Gangaw a phan; Ralhraang lei nih raltuknak an thawk khawh ca ah ralrin a herh tiah an chim. Nizan, September 4 ah uknak chuttu Council kuttang ralkap bu, North West Command ah Commander (Taing Hmu) a tuan lio mi Brigadier General Phyo Thant cu
Gangaw khua a rak phan i Kha-Lah-Yah Battalion No. 50 kulh chung ah Ralkap Council chungtel pawl he tonnak an ngei tiah theih a si.
COVID-19 le uknak kong ah a ra tiah an langhter ko nain a biapi in a rat hnawhchan cu raltuknak kongkau a si kho tiah rammi runvennak bu lei nih an chim.
Gangaw kiangkap ah Council ralkap le PDF pawl i kahnak a um lengmang i Council ralkap lei in tampi an thi cang. A luan cia ni hnih hrawng ah ralkap helicopter aa helhum lengmang mi zong hi PDF camp pawl an kawl mi lawng siloin ralbawi a rat lai ca runvennak ah an i hrocer zong a si kho tiah
tualchung mi cheukhat nih an chim. Ralkap Command Commander pawl an rat ahcun raltuknak a fah khawh ca ah
Gangaw le Yaw ram chung ah runvennak ralrin ngai a herh ti in tualchung media nih an langhter. Photo: North West Command Commander le tualchung Ralkap Council chungtel pawl an i ton lio (Credit: Gangaw Youth Voice) #The Hakha Post#PDF
Be the first to comment on "Trump nih Joe Biden kong a chim mi cu mi tampi nih a hman mi a si tiin an cohlan ngai"