Trump hi cu a pasal bak ko. A chim mi poah a tuah lengmang mi a si caah zeibantuk in an soisel le thangchiat zong ah a duh mi an kar chin lengmang ko. Politician zeihman rian tuan tak tak lo in ka lawng in a chim mi nak in cu Trump bantuk, a chim mi poah a tuah lengmang mi hi uar an um deuh cang. Former President Trump nih fiang cik cek in a chim cang. Kum 2024 ah President ka cuh than ahcun
former vice President Mike Pence cu vice President caah ka thim ti lai lo tiin a chim. Trump nih
Washington Examiner sin ah, Nihnih Zan ah a chim ning ahcun, Vice President Mike Pence cu
mipi nih an cohlan ti lai lo caah kum 2024 President ka cuh than ahcun Vice President caah ka thim ti lai lo tiin a chim. Kum 2020 President thimnak ah Joe Biden nih Trump kha arak tei, Natein Republican pawl nih Democrat pawl an thil tuah ning kha an zum kho hna lo, a hlei in Trump nih cun, Election nan fir, a hman lo ning in vote nan thlak tiin Joe biden a tei mi zong kha,
Trump nih a cohlan nak voihkhat hman a chim duh lo. Congress ah Electoral vote pawl fehter ding mi
kongah zum lonak tampi a um caah mah electoral vote hna kh Vice President Mike Pence nih an mah
le state cio ah a kir ter hna seh ti a duh. Natein Trump duh ning bantuk in Mike Pence nih a tuah lo caah Trump le Mike Pence kar lakah i theitthiam lonak fakpi a chuak caah nihin tiang an pahnih kar lakah i theithiam lonak a um peng caah Trump nih kum 2024 ah US president a cuh than ahcun Mike Pence cu a vice President caah a thim duh ti lai lo caah mah
Washington Examiner sin ah mah bantuk bia a chim mi hi a si. Cred-Newsmax
Laitlang thawngpang…Nihin chun Thantlang le hakha karlak kahdohnak ah Ralhrang 5 hrawng an thah
hna tiah theih a si. An hliam mi pawl hi tamtuk dawh an si. an boruak a daih rih lo caah Official in thawngpangtling theih a si rih lo. A tuhi thawngpang kan hlat cuahmah lio a si caah update kan van tuah than lai. Cre-A peng. =Hakha le Thantlang karlak Tita ah a tap mi SAC ralhrang pawl cu an lan kho lo an kir kho lo caah Hakha in SAC ralhrang motor 3 khat in an mah bawmh dingah an i thawh tiah theih a si. A tuhi Hakha University ah SAC ralhrang pawl cu an um ko rih tiah thawngtheih a si. Zahan zing in SAC ralhrang minung 70 hrawng cu Thantlang khuapi lei panh ding in an i thawh i lam
canceo an phak ah chinram mipi ralkap nih lampi in an bawmh hna i an rak kah hna caah a lanh zong an
lan kho lo i a kir zong a tung ing in an kir khawh lo caah a tu hi Hakha ralkap hi anmah chanh ah kal an i tim hi a si bik ko lai tiah Khuami pakhat sin in kan theih. Laknak…vanvan
=Nizaan tihni ah thawngpang a hung chuak mi cu khuaruah a tam ngaingai ko, SAC ralhrang chung khar tampi nih Min Aung Hlaing cu an au hnawh i na kut tang ah nunnak pek kan duh ti lo tiah ralkhap chungkhar nih an au hnawh leng cang tiah Media liam pipi nih an van langhter. Hramhram in uknak na lak mi tang i kan um ruangah a lam kip in harsatnak kan tong cang, kan chungkhar kan him tilo, a zei le zong in harsatnak nih a kan khuh, cu caah na kuttang ah ralkap
tuan kan duh ti lo tiah an au hna. Hi kong he peh tlai in yangon ramthen hrang zong ah kan hnu lei ah
ralhrang nupi le nih BBC ah an rak chim cang. kan caah ttihnung a si caah CDM tuah kan duh ko nain
kan tuah ngam lo tiah an chim. Nizan tihni hrawng in SAC ralhrang chungkhar le anmah ralkap hrimhrim nih a hreh lomi ah na caah nunnak pek hi kan duh tilo, kan cohlang kho lo tiah Min Aung Hlaing cu an au hnawh. Mipi hi uknak na lak mi hi pe than hna, na pek hna lo a si ahcun na kuttang i raltuk le thisen chuak kan duh ti lo tiah an au hnawh len cang. A Peng
=Kalay Thonginn ah SAC Ralhrang nih an Kahmi CNDF Ralkap “Salai Shalom Siang Thang Lian” Kalay thonginn in minung 7 zaam an timh caah meithal
in an kah hna, tiah kah a tongmi hna tuksum hmanthlak pawl he SAC nih March 15 ah thawngpang an chuah. Meithal in kah a tongmi minung 7 lak ah Falam khuami Salai Shalom Siang Thang Lian@Van Dam (kum 28) zong aa tel ve. Shalom hi SAC ralhrang nih uknak an chuh thawk in Falam khua lamzawhnak ah hruaitu lei ah aa telmi bochan awktlak mino a si. Hriamtlaih in SAC ralhrang doh a si hnu in CNDF ah a pum aa pemi zong a si. CNDF nih, “Chin National Defense Force (CNDF) ralkap, paralṭha Salai Shalom Siang Thang Lian@Van Dam (kum 28) cu
March 15, 2022 ni ah a biakammi bang in ram le miphun ca ah a nunnak a pek,” tiah thawngpang an chuah.
SAC thawngpang chuahmi ah, “Van Dam nih a hruaimi thongtla minung 50 hrawng nih thongcong palik 3 an tlaih hna i zaam an timh caah an kah hna,” tiah an ttial nain cucu ahmaanlomi a si, tiah Khit Thit Media nih a langhter. “Thongcongtu palik le thongtla karlak ah i rem lonak a um ruang ah an kahmi hna a si. Kah a tongmi pawl hi PDF ralkap lawngte an si hna. Micheukhat cu an lu ah an kah hna. SAC thawngthanhmi hi lih a si,” tiah Khit Thit Media nih a ttial.