January 6 Capitol Hills ah buainak a chuak ruangah former President Trump zong a buai bak ve ko, Democrat lei nih Trump cu impeach an tuah, natein Democrat lei an sungh caah a an thinhun peng i, former President Trump cungah zeimawh thil tuah khawhnak lam an kawl peng. Nancy Pelosi le a pawl nih mah January 6 thil
a cang mi kongah committee an ser i, mah committee pawl nih cun thil sining heh tiah hlethlainak an tuah cuamah lio a si
Mah White House record hi president Joe Biden nih House of Representative pawl kut ah pek khawh a si lai tiah a rak chim caah,
Trump nih US Court of Appeal ah mah White House record hi langter lo ding in a rak nawl, Natein US Court of Appeal for the District of Columbia nih a cohlan lo caah atu cu former President Trump nih US supreme Court ah White House record hi lengah chuakter lo ding in a nawl than mi a si
Trump’s lawyer nih mah bantuk in US supreme Court ah White House record langter lo ding in nawlhnak an
tuahnak ruang a chim mi cu, House select Committee pawl nih thil an tuah mi hi Executive nawlngeinak leng
a si cang caah mah bantuk hi cu lengah langter lo ding in tiin nawlnak a tuah mi a si. House representative Committee pawl nih January ni 6 ah Capitol Riots mah bantuk in Trump ttantu pawl nih an tuah caah Trump hi a tel ve lai, Trump nih a chim mi bia le hla a um hrim lai ti hi an zum ning a si caah
National Archives, the U.S. agency housing Trump’s White House records cu an hal mi a si.
Mah bantuk in former President Trump nih US Supreme Court ah nawlnak a tuah than caah US supreme court nih mah kong a ceih hlan cu
House of representative pawl nih zeihman an tuah khawh lai lo i, US supreme Court nih mah kong hi zeitik ah a ceih lai ti zeihman thei a si rih lo. US supreme Court ah hin Conservative judge paruk an si i, Liberal Judge pathum an si, Republican lei minung 6 an si caah Trump hi an dirpi lai maw zeitin bia ceihnak an tuah lai ti hi mi tampi nih an thei duh ngai mi a si. Trump nih US supreme Court Judge caah a thim mi
pathum an um ve caah an mah pathum le republican president nih an rak thim mi pathum a si i, an dihlak in paruk an si caah
Conservative former President Trump hi an dirpi lai maw lai lo ti cu mipi nih thei an duh ngai mi a si.
US supreme Court nih Trump thiam a cohter sual lai ti cu House Speaker Nancy Pelosi nih a tih ngai mi pakhat a si ve caah mah bantuk in Trump nih US supreme Court sin ah nawlnak a tuah mi hi tu lio thawngpang a linsa ngai mi, US mipi nih zeibantuk biaceihnak kan hmuh lai ti thei an duh ngai mi pakhat a si. Cred-Newsmax