Trump nih WHO bawmhnak a phih piak mi ruang fiangtein a chim cang: Trump thil tuah mi hi cu a hman tak tak

A hman mi a dirpi mi hi zumtu tha cu an si, midang nih an soisel thanchiat zong ah Pathian lei ah a dir peng mi Trump a tuah mi hi a dik tuk mi a si. President Trump lungput hi cu a hman tuk caah Pathian nih USA a rawktuk  cang mi hi ser tthan a duh caah President Trump hi a thim ti mi a fiang chin lengmang ko. President Trump nih Nihnih zing ah US in World Health Organization funding vialte cu a phih piak dih ti a phuan. WHO cu China centric ttin a rak ti cang.

President nih mah bantuk in bawmhnak a phih piak mi hi fiangtein a chim cang i, “vawlei cungah rai zawtnak a umlonak ding caah China ram in USA ah lut a phih mi kongah WHO nih a soisel i, mah bantuk in WHO nih ram pakhat thil tuah mi ah polick thalo mi a lut pi caah a si ttin fiangtein a chim cang.

USA nih WHO sin ah tangka a bawmh mi hi kum khat ah $500milllion leng a si tawn, China nih kumkhat ah $87 million hrawng a si. President Trump nih mah bantuk in WHO cungah thil a tuah caah mi tampi nih an soisel hi cu ve bantuk in WHO zong lih le hrokhrol tampi a chim ve caah le bia hman a chim duh lo caah soisel le thanchiat ngai a si.

US-ah COVID-19 zawtnak ruangah mi 26,064 an thi cang. A damlo mi hi 614,246 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Zahan suimilam 24 chung ah minung 2018 bak an thi. April ni 13 ah nikhat (suimilam 24) ah minung 2228 an thi. Mah hi atu coronavirus zawtnak in nikhat ah a thi tambik record a si

 

Be the first to comment on "Trump nih WHO bawmhnak a phih piak mi ruang fiangtein a chim cang: Trump thil tuah mi hi cu a hman tak tak"

Leave a comment

Your email address will not be published.


*