Trump President a si lio ah Kim Jong nih a tuah ngam lo mi cu Biden President a si bak in vawili a tuah man cang

Obama President a rak tuan lio ah North Korea chairman Kim Jung Un nih heh tiah nuclear a rak buaipi i, US le North Korea cu meheh le uico bantuk an si. Obama President rian a kaltak hlan ah President thar Donald Trump sin ah a chim mi bia pakhat cu,

President na si tikah na buaipi bik ding mi le na lungrei a theiter bik mi cu North Korea Chairman Kim Jung Un hi a si lai tiin a rak chim

Natein Trump President a vun tuan hnuah North Korea le US karlakah zeihman buainak, Obama lio bantuk a um lo i,

tuanbia an tial than i, US le North Korea cu bia ceih tinak an ngei. Trump President a tuan chungah North Korea nih Nuclear Missile test a tuah ti thawngpang thei ding mi a um lo. Nateiin atu cu Obama hawikom tha bik pakhat a si ve mi, Obama President a rak si lio ah Vice President a rak tuan tu

Joe Biden President a vun tuan thlariat bak ah North Korea nih Nuclear Missile cu vawili hrawng a test man cang.

Tu ni ah Ballistic Missile tiah zum mi cu North Korea nih northern Jagang province 6:40am local time (21:40 GMT,) ah a test than hoi.

South Korea’s military report nih a langter ning ahcun emergency National Security Council meeting an ngei nak ah mah missile hi North’s eastern sea ah a tla tiah report ah a langter. A luancia zarh ah khan,  Kim Yo Jong nih a chim mi cu, North le South Korea i chawn khawhnak lam a um lai,

natein South Korea le US nih kum fatin Military Drill an ngei tawn mi cu an ngawl hmasak ding a si tiin lampi kuapi a hun piak hna.

Cun South Korea nih North Korea sin ah, a hlan ah an rak i chawn tawnnak ‘Hotline’ cu nungter than ding in an nawl than hna

Japanese Prime Minister Yoshihide Suga nih a chim ning ahcun, tu zing ah North Korea nih Missile test a tuah than mi hi ‘Ballistic Missile’ a si lai tiah a zum ning a langter. US State Department nih mah bantuk in North Korea nih missile an test mi cu a duh lo ning le North Korea thil tuah ning

tha an ti lo ning an langter i, thatein cabuai cungah thil ceitih ding in lam kawl ding in an duhnak an langter

AUKUS Alliance Submarine deal an tuah hnu bak in, China le North Korea cu mei kang bantuk in an thin a hung i, natein North Korea’s UN envoy, Kim Song nih a chim ning ahcun UN organisation’s annual meeting, New York ah ” ah bia a chim nak ah,

North Korea nih kan mah kan i ven khawhnak ding caah Missile ngei hi kan right a si tiin a chim.

North Korea Defence cu kan thawngter, South lei ah US ralkap 30,000 an um. Kan ram chungah dainak le hna ngamnak a um khawhnak ding caah rian kan tuan ve ve ko tiin a chim. Credit-RTK