Trump Rally ah Trump dohtu an mah nih lihla ceilak in an nih phomh

Trump rally Tulsa kong fiangtein Chinpage ah kan ttial cang. Atu cu buainak kong si cang lai. Trump Rally ah Democrats/left wing pawl nih buainak fakpi an tuah caah minung a chungah lut kho lo mi an tam tuk caah, thutnak tampi a ruak. Mah a ruak mi cu Media pawl nih an langterduh ngai  i, fakpi in Trump thangchiatnak caah an hmang

Trump Rally kongah Democrats/Left wing pawl nih fakp in an doh i, Court ah tiang an ttan, natein Court nih Rally cu tuah ding in a onh hna. Democrats/left wings pawl an lungretheituk caah Tulsa Mayor hmangin President Trump Rally cu tuah lo dingin lam an kawl. Tulsa Mayor nih Rally an tuah khawhlonak ding caah Curfew a phuan. Trump supporters pawl an lungfak ngai. Trump nih Tulsa Mayor cu phone in a chon hnuah Curfew cu aphih tthan.

Rally ah kal a tim mi, min a pek mi hna hi minung 1-millions leng an si. Natein Rally TV le hmangthlak ah zoh ah cun thutnak hmun a ruak mi a tam tuk. Democrats/Left pawl nih Rally ah kal ding mi fakpi in an thler caah le Civil emergency tian an phuan ruangah le left pawl nih buainak ser an nih tim caah Rally a chungah a lut mi an tlawm. Mah kong hi Media pawl nih Trump soiselnak caah le Trump dohnak caah fakpi an hmang

Natein Rally ah kal mi nih an chim ning ah cun WHO le CDC Guideline (55%) leng an si ding a si lo an ti caah Trump Rally ah kalmi nih mah phunlam hi an zulh ruangah a si tiah Rally ah kalmi Trump support nih an chim

Mah Rally chungah a lut mi vialte hna hi Strict ngai in Scrutinize tuah dih an si. An temperature check dih an si. Mah Temperature Check i a tling lo mi cu inn lei ah an lawi ter tthan lengmang. Mah hnuah Metal Detector hmangin thatein test tuah tthan an si. Natein Democrats/left pawl nih cung Arena ah lut ding mi cu buainak an va tuah hnawh hna ruangah mi tampi a chung lut lo in an um.

Mah bantuk in a chungah lut mi minung an zum ning lengin an tlawm caah Trump dohtu pawl cu an nih lawmtuk i, fakpi in Trump Rally ah minung an tam lo caah daitein an um kho lo.

Mah bantuk in bia le hla a tam lio ah Trump dohtu thiam thiam pakhat, milar tuk mi  Hollywood Producer Michael Moor nih cun Trump nih Tulsa ah Rally a tuah i, Supporters pawl  a chungah an tlawm ruangah nan nih sawh hna maw? Tulsa khua mipi nih Joe Biden nih an dawt ngai bantuk in mawh nan ruah? Joe Biden hi an dawh hlei tung lo” tiin ceilak in aphomh hna. Credit-Twitter

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor