Trump thil tuah mi nih US a hninh hoi tthan; Uar um tuk ee. Vote lo in um khawh si ti lo hi

US Presidential race a linsa tuk cang caah mah Chinpage ah hin ni fatin US thawngpang 4/5 ka ttial peng i, US thawngpang thar bik mi poah na rel duh ah cun like/follow vun tuah law, ni fatin US thawngpang 4/5 na rel khawh peng lai tinak a si.

Coronavirus ruangah US a buai ning cu voih tampi ka ttial cang caah ka thawngpang a rel tawn mi nih cun nan thei dih cang lai ka zum. Coronavirus ruangah US economy cu ceilak in a niam/down i, Democrat pawl nih US economy cu kum 2020 chung cu  a kar khawh ti lai lo, a chia chin lengmang lai tiah an rak chim mi cu lih le hrokhrawl lawngte a si ti cu Trump nih fiangtein a langter cang

Kum 3 leng Donald Trump nih US economy record a ser mi cu thla 6/7 chungin Covid-19 nih a hrawh dih ti bantuk in a um. Natein President Trump nih a chim cia bantuk in tu cu US Economy cu a kai tthan thluamah cang i, US mipi caah cun thawngtha ngai a si cang

Data record dang dang a vun lang thluamah cang, Zarhte ni/Saturday ah Press Conference ah Donald Trump nih US History a Economy serthannak rangbik caan kan phan cang tiin Press pawl hmaiah President nih Record vialte a zohter hna. A ra ding mi Thla 2 chungah mah nak in tam deuh in economic growth, lower unemployment rates, le higher GDP rate hna cu ka thhanter lai tiah US mipi sin ah biakamnak (Promise) a tuah.

President Trump nih a chim ning ah cun Democrats lei nih Economy a than lonak ding caah fakpi in buainak ser an nih tim tiin a chim. Democrats pawl caah mah bantuk report tha, President thinak thla 2 lawng a um cang mi ah vun thei cu Election ah teinak an hmuh khawh lai lo ti an tih caah an duh lo ngai.

CHINA zong nih keimah hi lunglawmter an kan tim caah tu lio ah tisik anhnah pawl tampi an cawk i, (Corn le Soyabeans) Cun, kan Caw hna zong tampi in an cawk thluamah lio a si tiin a chim

China nih lunglawmter an ka tim i, natein keimah an ka tih caah Joe Biden  cu President caah an duh tuk mi a si tiin a chim. Joe Biden nih a luancia ah CHINA cu fakpi in a thangthat i,  ‘Economy ah China a than mi hi kan dih lak caah thil tha a si, China hi an sual lo’ tiin a chim

2013 ah  Vice President a rak si lio ah Joe Biden le a Fapa Hunter Biden cu CHINA ah an pahnih in an va kal, Zarhkhat hnuah mak ngai mi cu Joe Biden fapa Hunter Biden  firm cu Chinese Communist cozah he rian an ttuan ti thei a si, Chinese Bank sin in $1,500,000,000.00 nak in tam deuh zarhkhat hnuah amah Bank Account ah a rat lut

President Trump nih a chim tthan mi cu, US Economy nih lam tha lei a zulh tthan cang i, natein November ah Democrats nih teinak an hmuh a cun ngunkhuai (Taxes) tampi a kai tthan lai i, 2021 ah cun US economy nih fakpi in harnak a tawn tthan lai, ‘November ah mimawl hna President caah kan thim a si lo ah cun Kum 2021 cu kumtha le Economy lei ah fakpi in hlawhtlingnak kan ngei tthan lai tiah a chim. Credit- Ricky L. Colney

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump thil tuah mi nih US a hninh hoi tthan; Uar um tuk ee. Vote lo in um khawh si ti lo hi"

Leave a comment

Your email address will not be published.


*