US ram cu ram ropui tuk mi a si bantuk in ramdang zong nih an upat ngai mi a si, natein ruah lo pi in US Supreme Court nih bia a ceih mi, Nauhrawh a duh mi le duh lo mi kong (Roe V. Wade) cu a zuk diam i, mah Roe V. Wade ah Nauhrawh a duh lo mi pawl lei kap biaceihtu an tam deuh caah Pro-life evangelical businessman Franklin Graham nih lunglawmbia a chim i,
Pathian cu thangthat in um ko seh (‘Praise God!’) tiin a lunglawm ning a chim
Supreme Court nih Roe V. Wade (Nauhrawh a duh mi le Nauhrawh a duh lo mi) kong an
ceihnak opinion Draft an tuah mi cu a zuk i, mah copy hi Politico nih a langter. Mah kongah Franklin Graham nih a chim chap mi cu, “Mah Supreme Court Opinion Draft hi a hman mi a si maw si lo ti ka thei lo, Natein kum saupi zumtu pawl nih thla kan rak cam tawn mi kha a tu cu Pathian nih a kan let cang tiin a tial chap. Trump President tuan chungah khan, Zumtu tha a si mi,
Conservative pathum bak US supreme Court caah a rak thim hna. Mah bantuk in Trump nih
US supreme court biaceihtu ding ah minung pathum a thim chap mi he Republican president pawl
nih an rak thim mi he cun, US Supreme Court biaceihtu ah paruk an si tinak a si. Democrat lei nih an rak thim mi hna hi pathum lawng an si tikah Conservative pawl nih US supreme Court nih an uk cang tinak a si. Republican lei paruk le Democrat lei pathum an si (6-3). Mah bantuk in US supreme Court Opinion a zuk mi kongah Chief Justice nih
hlethlainak kan tuah lai tiah thawngthannak a tuah i, nawlngeitu sin ah hlethlainak tuah
ding in nawl a pek cang hna. Mah bantuk in US supreme Court nih bia a ceih mi a zuk mi kongah,
mi tampi nih US supreme Court cu an phomh cang i, zumtlak an si lo, US zohkhentu ding caah zumtlak an si lo, an rian in phuah a si hlei ah fakpi in hremnak pek si seh tiah an duh ning an langter. Joe Biden hi nauhrawh lei ah a dirkam mi a si caah, mah bantuk in US Supreme Court opinion Draft a zuk mi kongah nihin tiang zeihman a chim ri lo. Cre-Newsmax
Laitlang thawngpang…..“Hramhram in uknak latu Min Aung Hlaing nih, kawlram ramkhel kong
ceihmai ding sawmnak hi kan zumh ding le kan buaipi awk a si lo. Kan dirhmun cung ah fek tein kan dir a herh,”
tiah CNF chimphuannak nawlngeitu Salai Htet Ni nih a chim. Min Aung Hlaing nih sawmnak a tuah mi cung ah, tlangcung hriamtlai kan si ah, PDF an si ah, hramhram uknak a hram in kan phawi lai, ti hi kan i tinh mi a si. Mizapi le zatlang bu hna zong nih hi sawmnak hi zumh awk le buaipi ding a si lo. Kan kalnak lam te zul cio ko hna usi! Hmunkhat te ah kan kalṭi hna lai, kan dirhmun cung ah fek tein kan dir hna lai, tiah Salai Htet Ni nih cun a chim.
Atu bantuk sawmnak he pehtlai in Min Aung Hlaing aa tinh mi hi, vawleicung hmaika ah kan
Myanmar rampi a him cang, ramkhel lei zong ah a tluang cang tiah langhter a duh ruang ah a si kho.
Cun, 2023 thimnak ca ah PDF pawl hi fimhlawm dih i rampi a daih nakding ca ah aa tinhmi zong a si kho, tiah a chimchap. Nihin Myanmar rampi buainak hi SAC ralkap le tlangcung hriamtlai kar buainak a si lo. SAC ralkap nih mei a kau mi cu mizapi le anmah karlak ah a kaang mi buainak a si caah hi ramkhel kong ceihmainak sawmnak hi i zumh ding a si lo, tiah CNA chimphiannak nawlngeitu Salai Htet Ni nih cun a chim. Cre-TCP