Tu lio Laitlang a hninh bak mi; Ka khuaruah a har cik cek- Mai Sui Dawt- USA

Ma ca ka ttial mi hi ka sum khoh ti lo caah ka ttial mi a si. Midang ka soisel lo, ka thangchiat lo, natein Laitlang ah thil a cang mi cu a mak chin lengmang. Politik ah zalawng tein Mee kan peknak hi voihnih hrawng a si lai ti u si law ka chim sual lai lo.

Ram serthan nak ding ah cun hruaitu an biapi ban tuk in mipi zong kan biapi ngai ti hi thei a hau. Tu lio cu CNLD le NDL chungah i soiselnak le thangchiatnak tampi a um. Mah cu policy kongah si lo in minung pumpak kongah a si. Salai Lungthli Tum nih No Thang Kap cu fakpi in a soisel. No Thang Kap a soisel/thangchiat ruangah thil zeidah a cang khawh ti lei ruat ti lo in No Thang Kap a duh lonak nih a lung a mit bantuk in a au lengmang

Natein Salai Lung Thli Tum nih No Thang Kap fakpi in a soisel/thangchiat ruangah falam kan unau pawl nih an dirpi chin lengmang ti a si. Lai mi kan politik kalpi ning hi zoh tuah hna u si. Hruaitu nih zeitluk in ram a dawt zong ah mipi nih kan dawt lo ah cun zeihman rian ttuan khawh a si lo. Mipi nih ram zeitluk kan dawt zawng ah hruaitu nih an dawt ve lo ah cun zeihman kan tuah khawh hlei lo. Cucaah Politik ah cun mipi le hruaitu hi balance tein kan kal a hau

Mak ka ti ngai mi pakhat cu Social Media hmangin Salai lungthli Tum cu forh lengmang a si. Mi cheu nih cakei, pasal na si an ti. Salai Lungthli Tum nih, mi nih “TROLL” an tuah mi kha thei thiam lo in a cawnnak certificate tiang a show dih. Mah hi tu lio laitlang ah a lar ngai mi thawngpang pakhat a si. Mah bantuk hi “TROLL” an ti mi cu si. Mi pakhat forh in a sinak vialte langter kha. Mi thiam kan ti mi, amah nih cathiam ka si ati ve mi nih, mipi nih an troll mi thei thiam lo in a certificate tiang a ” SHOW” dih mi ka hmuh tikah, ka khuaruah a har

Chinmi/Laimi kan hrut ning le zei kan si lo ning a lang thluamah mi ka hmuh tikah mak ka ti tuk hrinhrang. Mifim nih cun midang nih zeibantuk in an soisel le an thangchiat zongah daitein an um ko. Certificate na ngei lo, na certificate a dik lo, a ttu a si, an ti zong ah thil sining kha amah nih fiangtein a thei caah mah bantuk in mipi hmai ah an sining kha an langter duh lo,

a ruang cu mifim nih cun “TROLL” hi zeidah a si ti kha an thei tiam caah. Laimi/chinmi mifim a ti mi nih mah bantuk in “Public Troll” hman thei thiam lo in social media ah certificate tiang a vun show dih mi ka hmuh mi kan si ning a hniam tuk ning ka vun hmuh tikah ka khuaruah a har bak ko – Mai Sui Daw- USA

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor