Tu tan thil a cang mi cu President Trump zaangfah a si bak ko, mah bantuk tiang cu

President Trump cu White House PEOC Ah A Um.. Sandahpiah tu hna nih nizan ah white house an neih caah secret service nih President Donald Trump cu Presidential Emergency Operations Center [ PEOC] timi white house inn chung i, East wing timi inn tang i a ummi khur, bunker chungah an luhter.

White house a vengtu secret service minung 50 tluk hma an pu. US Marshals and Drug Enforcement Administration (DEA) agent hna le National Guard nih an rak bawmh hna. Sandah piah tu hna nih datsi dur le meidur in an cheh hna. Atu ahcun White House cu Lockdown an tuah lawlaw.

Presidential Emergency Operations Center [ PEOC] timi hi US president caah special in an khuarmi vawlei tang lungkhua a si i. US ral a thawh caan, terrorist nih an tuk caan le President caah tihnung asi caan poah ah President an thuhnak hmun a si. Muslim ralhrang nih 9/11 lio ah New York khua i world trade center an kah lio ah Vice Presdient Dick Cheney an chiahnak a si. Mah lio President Bush cu Florida a phan. Mah PEOC bunker pi hi vawlei ralpi 2nak lio ah President Franklin D. Roosevelt him tein Presdient a tuan khawhnak caah an rak sakmi a si. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor