Russia le Ukraine buainak cu thla thum a si dengmang, Thawngpang tha lei thei ding mi a um lo, Russia nih zeitin dah Ukraine hi tuah a tim lai tiah expert pawl nih Russia cawlhcang ning an zoh peng. British defense secretary, Ben Wallace nih a chim ning ahcun, Russia’s president, Vladimir Putin & politics ah a hawikom a si mi pawl nih,
Soviet union bantuk khan Russia hi tuah than an nih tim tiin a chim. Russian smart TV owners pawl
nih Victory Day Parade zoh an nih tim lio ah, anti-war message an dawng. Mah message an
hmuh mi ah ca a tial ning cu mah ti hin a si, ‘President, Vladimir Putin kut ah Ukraine tampi a thimi thisen a um tiin Phillips O’Brien, professor strategic studies, a University of St Andrews, analyst nih a chim ning ahcun Vladimir Putin’s Victory Day speech thildang khua a ruat kho ti lo mi le Ukraine ah thil a cang mi cu a thei duh lo bantuk in a si tiin a chim. cred-RTK
Kawlram thawngpang….Thailand ram, Chiang Mai khuapi ah Myanmar mi Thailand ram um hna
tawlrelnak in ‘Market for Myanmar’ phaisa kawlnak cu May 7 ah tuah a si i, kawl rawl le
Myanmar ram um tlangchung mi eidin rawl hna zong zuar a si. Market for Myanmar in hmuh mi phaisa pawl cu Myanmar ralzaam hna bawmhnak pek ding in timhtuah a si i, phaisa kawlnak ah hin a dihlak ah $ 6,000 leng an hmuh, tiah theih a si. “Tlamtling tein puai kan tuah khawh, thazaang a kan petu zong an tam, thil kan zuar mi zong kan manh ngai. Phaisa kan hmuh mi hi IDP (ralzaam) camp ah a dang tein bawmhnak pek kan i tim,”
tiah phaisa kawlnak tawlreltu nih an chim. Phaisa kawlnak tuahnak ah cun dawr 40 a um i,
kawl rawl le Thai rawl zuarnak dawr zong an um lengah kutser mi thilri pawl zong an zuar, tiah theih a si.
== Sagaing ramṭhen, Myinmh peng Peku khua pawng ah um mi Black Eagle Defense Force-MMU sakhan pakhat cu SAC ralkap nih an luhnawh i PDF 8 an thah hna, tiah CDSOM sin in theih a si. Nihin May 9 zinglei ah Black Eagle sakhan luhhnawh an ton i minung 8 an nunnak a liam kong cu CDSOM nih Nwe Oo (Myaung) ti mi Facebook cahmai ah an tarlangh. SAC propaganda page ah cun, Black Eagle Defense Force-MMU cu sakhan pakhat luhhnawh a si i, ruak 8, kutser meithal 4, kutser bomb lung 5, phone 15,
bomb sernak ah hmanmi hrikual kual 3, solar panel, inverter, battery le bomb sernak
thilri he aa pehtlai mi thilri dangdang pawl zong laak a si, tiah an langhter.
== Karenni ramkulh chung, May thla zarh khatnak chung council ralhraang le Karenni phu komh kar kahdohnak ah ralhraang 44 an thi. Karenni ramkulh chung, May thla zarh khatnak chung council ralhraang le Karenni phukomh kar kahdohnak ah ralhraang 44 an thi, ralhraang motor 8 an khangh, KNDF lei in pakhat a thi tiah KNDF nih thawng a thanh. Council ralhraang nih Hparuso peng le Bawlakhe peng ah riahcaw le
hriamnam an chanh lengmang hna ca ah Hparuso-Bawlakhe lam cung kap hnih kar kahdohnak a fak i,
cu peng pahnih chung ah kahdohnak voi 13 a chuak tiah an chim. Hparuso-bawlakhe lam cung um
Nanphe khua le Lawkywekhu khua pawng ah riahcaw le ralhriam phur in hmai a nor mi ralhraang motor 30 hna cu KNDF le tangti phu komh hna nih atu le atu an kah hna ca ah ralhraang 44 an thi i motor 8 an khangh. Meithal 15 tel in ralhriam cheukhat he ralhraang pahnih an nung in an tlaih hna tiah KNDF sin in theih a si. Cu lawng si lo in Hparuso peng le pawngkam khua hna ah council ralhraang nih umhmun an khuar ca ah council ralhraang le KNDF tangti phu komh, PDF tangti phu komh kar kahdohnak nifatin a chuak tiah KNDF nih an thanh. Cre-TCP