Tih nung chin lengmang cang ko ee!! British Prime Minister Boris Johnson nih a rak chim cia bantuk in Ukraine sin ah UK Defence Missile 6000 a pek hna. Mah bantuk in UK nih thil a tuah mi cu Russia caah cun thawngpang chia tuk mi a si. NATO pawl nih Ukraine cu hriamnam tha tha hmangin heh tiah an bawmh cuamah lio a si. Russia nih a rak chim cia bantuk in
Ukraine sin ah hriamnam bawmh ti hla u, nang bawmh lengmang ahcun tih nung tuk mi
a chuak lai tiah a rak chim, Natein ramdang pawl nih Russia bia chim mi cu zeiah an rel piak ve lo si lai,
atu hi Ukraine cu heh tiah hriamnam he an bawm cuamah lio a si. Russia nih ralrinnak tih nung tuk mi a vun chim i, Nuclear power hmang ding in tim tuahnak kan ngei cang, Nuclear power lei ah tuanvo latu pawl sin ah ALERT a pek cang hna. Cre-RTK
= Russia nih a tim mi a kut tangah a chia kho cang ee tiin news site tampi nih an langter, natein
Western Media pawl nih cun zeihman an langter rih lo. Mariupol hmun tampi cu Russia ralkap nih
an kut tangah an chia cang, Zahan ah UN & Western pawl nih Humanitarian aids an kuat mi hna cu Russians lei nih luhter an siang hna lo. Natein Russians nih humanitarian aids an mah nih nih an kuat mi cu mipi sin ah an phawt hna tiah Russia lei media nih a langter. Ukraine’s Deputy Prime Minister report nih a langter ning ahcun,
zahan ah Mariupol cu minung 2,700 nih an chuahtak kho tiin a chim, Russia nih
World Health Organization zong Mariupol ah lut an siang hna lo, Iryna Vereshchuk nih
Mariupol hi a zohkhen lio a si, Russia cu ceilak in soisel le thangchiat a si. Denis Pushilin, leader Russian-backed separatist Donetsk & Putin’s United Russia party, Andrei Turchak, nih Mariupol hi an tuk tangah an chia ri tiin pro-Russian separatist media nih a langter, Russians nih Mariupol chuahtak an nih tim ti lo. “Russia nih Mariupol hi kan ser than lai i khualipi ah kan tuah than lai tiah an
chim” – Turchak Telegram channel – “Make no mistake, Russia is here forever”. tiin a tial
= Ukraine kong he pehtlai in Russia le Nitlaklei ram pawl karlak ah Nuclear ral a tho sual lai,
tiah March 23 ah NATO nih ralrinnak an pek i, “A herh ahcun Nuclear kan hman lai tiah Russia nih ṭihnung tukmi bia a chim hi a bia a fim ṭhan a herh,” tiah NATO Secretary General Jens Stoltenberg nih media he tonnak ah a chim. Cun, hrocernak vialte chung in zeitik caan poh ah kan i kilveng kho. NATO ramchung kilveng ding in zeitik caan poh ah timhcia peng kan si,
tiah a chim pinah Nuclear ral a thawh ahcun zeitik hmanh ah Russia nih teinak a hmu lai lo ti hi
ai fiang ko lai, tiah Jens Stoltenberg nih cun Belgium ram khualipi Brussels i NATO hruaitu hna tonnak ah a chim. Tutan Ukraine le Russia buainak ah Ukraine cu hriamnam thazaang lawng in NATO nih a bawmh i, a ralkap tu cu a thlah lo. “NATO nih Ukraine ah ralkap kan thlah hna lai lo nain a dang a herh mi bawmhnak cu tam chin in kan pek lai, sinain NATO le Russia karlak ah Nuclear ral a thawh lo nakhnga tuaktan zong kan hau,” tiah NATO Secretary General Jens Stoltenberg nih cun a chim chih.