US & UK nih Battle for Donbas i dohnak ah hmang dingmi missile tha tukmi cu Ukraine pek a si lai tiah bia an nih kam cang, Ukraine bawmhnak ding kongah West pawl hi an nuar ngai i, Ukraine nih a herh tuk hnu lawng ah West pawl hna hi an cawlhcang tawn hna. West nih Ukraine cu hriamnam tampi an rak pek cang hna, Natein vawleicung ah super powers ram pakhat a si vemi doh ding in cun ramdang bawmhnak lawng a zah lo.
Oleksiy Arestovych, a military adviser to the president’s chief of staff nih The Gurdian a chim ning ahcun,
West pawl nih Ukraine ram cu hriamnam dang dang an pek peng mi cu a tha ko nain,
natein mah nak in a tha deuh mi hna cu, 60 multiple rocket launchers si pek si seh law a tha bik lai tiah a chim. Mah hi Kyiv nih West pawl message a her tuk mi a kuat bantuk in a si. Rocket launchers hi keini kan mah caah cun gamechanger weapons asi .Ramdang in an kan bawmhmi a tlawm poah le kan dirhmun achia tinak si ko, Kan ralkap an thi lai i,
kan ram kan sungh chin lengmang lai tinak si, 4-5 ti bantuk hi cu kan caah zeihman si lo” tiin a chim.
Monday ah UK nih Ukraine cu M270 tracked rocket launchers, missile mel 50 hrawng a kah kho mi pek a tim.
US nih truck-based high mobility artillery rocket systems (Himars) 4 ding in tim tuahnak a ngei, Natein Ukraine nih Donbas lei Russia kut ah an vennak ding caah cun zeihman a si lai lo, a tlawm tuk. US Army nih a dihlak in 363 Himars &225 M270 rocket launchers an ngei, US Marines pawl nih 47. International Institute for Strategic Studies, a langter ning ahcun, UK nih M270s version 35 an ngei, Natein, mah hna hi a dihlak in
Ukraine an pek siang lai lo ti cu thei cia si ko. Ukraine nihi Russia in a ram a kilven khawhnak ding caah
Ukraine nih a herh mi hna cu US le a hawi le nih an pek kho lai maw ti zoh si cang. Cre-RTK
Kawlram thawngpang…Myanmar ramchung ah nuhrin covo buarnak kong he pehtlaiin kan thin a phang ngai ko tiah Australia Prime Minister Anthony Albanese nih Indonesia a tlawnnak ah a chim. Phunglam reprai um lo ruangah nuhrin covo buarnak a chuah lengmangmi kong he pehtlai in Australia nih pehzulh in chim a herhmi paoh le tuah a herhmi paoh cu kan chim/kan tuah lai tiin Prime Minister Anthony Albanese nih Jakarta ah thawng latu hna sinah a chim.
Myanmar ram kong he pehtlaiin Indonesia ramdang pehtlaitu minister he tonbiaruahnak
zong kan ngei cang tiah Australia ramdang pehtlaitu minister Penny Wong zong nih a chim.
Myanmar konglam telh in Asia ramchung i thil sining hna hi a biapi tuk tiah a chim chih. Australia ram nih Indonesia ram he i hawikomnak le pehtlaihnak cu a feh khawh nakhnga kan i zuam tiah Australia Prime Minister Albanese nih thawnhpang fianternak ahcun a chim. Vawlei cung ah thazaang ṭhawnnak a ngei veve mi Tuluk le US karlak i zuamcawhnak caan chung ah Asia ram hi a biapi tukmi a si tiah Prime Minister Anthony Albanese nih a chim. Credit: TCP
==SAC nih thih dan a pekmi hna cung ah France Ambassador, UN General Secretary le US Foreign Ministry in
chimphuannak nawlngeitu hna nih, thih dantat pekmi an cohlan lonak kong cathanh an chuahmi cu,
SAC Foreign Ministry nih June 6 ah duhlohnak le cohlan lonak cathanh an chuah ve. SAC nih chuahmi cathanh chung ah, phung ning loin kan tuahmi a si lo, 2008 phunghrampi ning in kan tawlrel mi a si. Myanmar ram biaceih phung cu a luatmi le a dikfel mi a si pin ah, ramkulh le ramkomh Myanmar chung ummi vialte caah tlukruannak a ummi phunghram(upadi) kan hman, tiah an langhter.
Cu pin ah France Ambassador nih cathanh an chuahmi ah SAC cu
phunglut lo cozah biafang an hman caah SAC Foreign Ministry zung nih faak pi in a al fawn. SAC nih ramkheltu Gin Mi le Phyo Ze Yar Thaw telh in minung 4 cu June 3 ah thih dan an rak pek hna. Cucaah France, UN Le US hna nih an cohlan lonak le an thinphannak cathanh an chuah hi a si. Credit: TCP