Russia nih Ukraine a tuknak in Ni 12 leng si cang. Russia nih missile hmangin heh tiah a thuat thluamah peng. Ukraine mipi cu ramdang ah a zam mi an tam tuk cang. A thi mi an tam chin lengmang cang tikah vawleicung ramkip nih zeibantuk thil tih nung mi a tlung lai tiah an zoh cuamah lio mi asi. Russia nih Ukraine sin ah a duh ning fiang cik cek in a langter cang. Ukraine nih Ralkap thazaang hmangin Russia ralkap a phomh ding a si lo. Ukraine constitution cu thleng i NATO member si a tim mi cu hrawh. Crimea Ukraine ram a si tawn mi cu Russia ram a si cang tiah cohlan ding, DRP & LRP independence a si tiah Russia nih aphuan mi cu Ukraine nih cohlan piak.
Natein mah bantuk in Russia nih a duh mi hna hi Ukraine nih zulh a tim nem mam lo caah thawngpang a linsa chin lengmang cang. Ukraine’s Deputy prime minister Iryna Verashchuk nih a chim ning ahcun “Russia nih remnak, daihnak a ti mi hna cu mah le ram then/cheu pei a si cu, remnak le daihnak ngeinak khawhnak ding caah cun cabuai cungah thatein i chon, Natein Russia nih Ukraine cungah demand a tuah mi hna cu zungzal in cohlan kho lo ding mi lawngte a si. Crimea recognized, DRP & LRP independent states cohlan ti bantuk hi thil a si kho lo ding mi a si.
Kan ram Ukraine hi kan then kho lai lo, Constitution cu kan va thleng zong ah Ukraine mipi hna cu kan then kho bal lai lo Mah bantuk kan tuah ahcun kan tu le fa pawl mit ah kan zoh ngam hna lai lo tiin a chim. Cred-RTK