Idohnak ahcun thawngpang dik thei kho a si lo, a dih hnua lawng ah thil sining dihlak, tlamtling tein thei kho a si lai tiah an rak ti tawn ning bantuk in, a tu Russia nih Ukraine a tukmi kong he pehtlaih in News tampi nih an tial ning kong a khat lomi a tam ngai caah careltu lei zong nih Idohnak kong kan rel tikah mah hi a dik lai tiah a dihlak in zum dih lo ding ti kha thei peng hna u sih.
New York Times nih a tial ning ahcun, Ukraine nih operation an ngei ning le an nih timhmi tlingtein
US/Washington lei zeihman an kan chim duh lo, information zong hi a diklo mi an kan pek tawn
tiin US official pawl nih Russia le Ukraine i tuknak kongah thil sining a dikmi thei a har ngai tiah an chim tiah a tial. Mi tampi nih an zumning an chim ning ahcun, US nih ramdang ah a rak tuah tawn bantuk in, buainak a chuak tikah a bawmhmi ram an sunglai tiah a thei ahcun thiam a cohter duh ruangah midang sualanak a kawl tawn bantuk in atu zong Ukraine a sung lai tiah fiang tein a thei caah mah
bantuk in Ukraine sual aphawtmi a si lai tiah heh tiah social media ah an tial
Western Media pawl zong nih Ukraine lih propaganda, Ukraine kong a that lei a tialtawntu
pawl zong nih atu cu an tial duh ti lo i an kaltak cang. Moscow ah US embassy pawng ah “Donetsk People’s Republic Square” tiah min an thlak hnuah Moscow city council zong nih German embassy pawng hrawng cu “Lugansk People’s Republic Square” iah min thleng ding in an nih timh than hoi cang. Zelensky a MP pakhat nih Kherson Oblast ah a kal i
Russia tangah um an duh ning a va chim. “Ukraine on fire” ti documentary bantuk khan,
Ukraine mipi hna hi a thawngmi lei kap ah an nih thial than hoi lai maw ti zoh a si lio.
Russia nih a lakmi khua dihlak cu Russia citizen an si ti hmehchunnak caah Russia passport issue pek an si cang. Kiev it’s refusing to share details of operations with Washington and possibly manipulating info the New York times reported. The NYT cited US officials saying Ukraine is keeping us in the dark possibly even misleading us. Cre-RTK
Kawlram thawngpang.. Myaung peng le Yesagyo peng kar ah rallam sialtu SAC ralkap hna
cu tualchung hriamtlai phu hna nih June 9, zinglei ah a thli in an kah hna i, bomb zong an
puahhnawh hna caah SAC ralkap 15 an thi, tiah Myaung peng CDSOM phu sin in theih a si. SAC ralkap hna cu Yesagyo peng in Myaung peng an kal ah tualchung hriamtlai phu nih zinglei suimilam 6:00 hrawng ah a thli in an kah hna i, cu kahdohnak ah cun SAC ralkap 10 leng an thi tiah theih a si. Lampi i kah an ton caah SAC ralkap hna cu vaivuan in an tlizaam hna i, cuti an tlikzaam lio ah cun
bomb puahhnawh an tong chap i SAC ralkap 5 hrawng an thi ṭhan tiah theih a si.
SAC ralkap lei nih hriamngan 60mm le 40mm cu pehtlai in an puah caah tualchung
hriamtlai phu lei pakhat nih hliamhma a tuar, tiah theih a si. Cu kahdohnak ah cun PDF Taloke, MGN Ranger, MGN Tiger, MGN 35, MGN 21,Shwe Oh (CDSOM) le Bu Gya Tit hna i fonh in, kahdohnak an tuah tiah theih a si. SAC ralkap hna nih cun Zayat Ni khuachung ah inn 2 an khangh i, Myaung peng Minhlah khuami pa 3 cu an tlaih hna, tiah theih a si.
==Chin ramkulh chung June 7 tiang ah mah pumpak lungtlinnak in SAC kuttang ah rian
a lut ṭhan mi cu siangcachimtu 223 an si cang, tiah Chin ramkulh fimcawnak zung in
ṭuanvo ngeitu pakhat nih a chim. “Tuan ah cun June 7 tiang ti a si nain rian luh ṭhan a duhmi hna caah June 14 tiang an sauhpiak hna. June 7 tiangah rian kir ṭhan mi minung 223 an si i, a hnu ah zeizat dik an i chap ṭhan te lai theih a si rih lo,” tiah ramkulh fimcawnak zung in ṭuanvo ngeitu pakhat nih a chim. Hakha khuachung Covid zawtnak checkmi lakah zawtnak ngeimi hmuh an si lo nain, sianginn hon a si cang caah June 7 ah khan, Hakha siangsangrun no. 1 ah kum 5 in kum 12 kar siangngakchia hna cu Covid 19 raikhamsii chunh an si tiah MRTV nih a thanh. Cre-TCP