Kremlin spokesperson Dmitry Peskov nih a chim hnuah Ukraine President bak nih a vun chim ve, Kremlin Spokesperson Dmitry Peskov nih a chim ning ahcun, Russia Ukraine invasion/Special Operation ni 100 nakah – Russia nih Ukraine cu kan tei ngai cang, Kan nih timh mi kan phan hlan cu Ukraine cu kan tuk peng ko lai tiah a chim. Mah bantuk in a chim hnuah, Zelinsky nih video message hmangin a chim than ve i, Ukraine nih Russia lakah kan ram 100% kan ven lai tiah ka zum, teitu kan si lai tiah a chim. Cre-RTK
Kawlram thawngpang… Hakha Khua, Gangaw lam Gate Ah Mino Pakhat Tlaih A Tong!
Chin ramkulh, Hakha khua, Gangaw lam gate ah Hakha in Yangon lei kal aa thawh mi
Hakha Maan mawṭaw cu SAC ralkap nih an chek lioah Hakha khuapi, Dawrthar Veng um Ngun Awi Thang cu a phone hmanthlak chungah lai meithal he a thlak mi hmantlak an hmuh caah SAC ralkap nih June 1 ah an tlaih, tiah SAC ralkap lei ṭang Fifty Two News nih a langhter. Amah hi Hakha khua, Dawrthar sang ummi a si tiah theih a si.
== Pakokku, Kyat Htoe Palik Sakhan In Palik Phyo Min Aung Cu Hriamnam He MVRF Sin CDM A Tuah
Magwe ramṭhen, Pakokku pengkomh, Kamma peng, Kyat Htoe hmunhma palik sakhan in palik
Phyo Min Aung cu nizan June 3 ah a hriamnam he CDM a tuah tiah Myaing peng khuate lei mizapi vengtu ralkap phu MVRF sin in theih a si. Palik Phyo Min Aung cu G3 meithal 1, kuan bawm 2, Kuan 109 he CDM a tuah. Cu palik Phyo Min Aung cu MVRF nih Phaisa Sing 100 laksawng ah an pek tiah theih a si.
== Myanmar ram chung ah SAC nih uknak a laak hnu Febuary 1, 2021 in May 26, 2022 tiang
mizapi umnak inn 22,000 leng a kaang cang, tiah ISP Myanmar nih June 2 ah cathanh a chuah.
Sagaing ramṭhen ah inn 15,000 leng, Magwe ramṭhen ah inn 4800 hrawng, Chin ramkulh ah inn 1000 leng le Kaya(Karenni) ramkulh ah inn 400 leng a kaang. ISP Myanmar nih a langhter ning ah, 2022 Mya thla chung lawng ah inn 7600 leng mei kanghnak in a ciam i, SAC nih uknak a laak hnu in inn kangh a tam bik thla a si, tiah a langhter. Cu pin ah mizapi umnak inn hna cu, kahdohnak a chuah lio ah khanghmi zong a um i, hriamngan kuan nih a tlak caah a kaangmi zong an um,
tiah ISP Myanmar nih a langhter. Inn tam bik a kanghnak Sagaing ramṭhen chung um tualchung
mi pakhat nih, “Mizapi umnak inn, biaknak lei he aa pehtlai mi inn le sianginn ah SAC
ralkap nih rallam an sial lio ah khua khat hnu khua khat in an khangh thluahmah hna,” Than Lwin Times ah a chim. ISP Myanmar nih inn kaangmi cazin a langhter mi hi media le zatlangbu hna cathanh an chuahmi chung in a khawmh suatmi a si caah a taktak ah hinak in a tam deuh kho, tiah a chim chap. Cre-TCP
==HpaAnn khua No. 9 sang Yekyaw lam um CB Bank branch 2 cu, June 3 zanlei ah pa panga
nih an luhhnawh hna i Kyats sing 1,000 leng an fir, a firtu hna zong an tlaih khawh hna,
tiah tualchung mi hna nih an chim. “CB Bank branch 2 cu zanlei sml 3:30 hrawng ah pa panga nih Bank chung ah an luthnawh hna i, meithal in an hmuah hna hnu ah tangka an fir. HpaAnn Myaingkyingu motor lam lei ah tangka he SAC ralkap nih an tlaih hna,” tiah tual chung ummi pakhat nih a chim. Ralkap le palik nih an kawl hna i HpaAnn-MyaingKyiNgu motor lam kam chekgate ah chek lai ṭih in an zaam caah meithal in an kah hna.
Pakhat a thi i pahnih an tlaih hna. A dang pahnih cu an zam manh, tiah SAC ralkap
he naihniam pakhat nih a chim. “SAC ralkap nih meithal in an kah hna caah motor khaltu Thi Ha cu a thi, Maung Maung Oo le Kyaw Kyaw cu Glock pistol zun 1, kuan bawm 2, kuan 5 le phone 1 he an tlaih hna pin ah Kyats sing 1,254 zong an tlaih,” tiah a thi mi le tlaih a tong mi pahnih cu min langhter in tiah a chimchap. A luatmi pahnih zong ralkap le palik nih an kawl cuahmah ko hna, tiah theih a si.Cre-TCP