Russia le Ukraine kongah thawngpang kan thei mi hna hi suimilam pakhat chungah a thleng lengmang mi a tam tuk caah careltu zong nih idohnak ah cun thil a thleng mi a tam tuk caah catialtu ca zongah ralrin a herh ngai mi a si caah, ka palnak tete a um ahcun nan ka thei thiam lai tiah zaangfah kan nawl hmasa hna. US nih Ukraine bawmhnak kongah thawngpang thar a vun ngei than. Mi-17 helicopters 5, 2,600 Javelin
anti-armor systems, 600 Stinger anti-aircraft systems, 70 Humvees & 40 MILLION rounds of
ammunition tampi he Ukraine cu kan bawmh than lai tiah an chim. Natein No Fly Zone/Jets an
pek tung lo ahcun, Ukarine Air Forces caah Air lei in Russia vanlawng pawl kham kho a si lai lo. Russia nih Bombers tha tha le & Fighter Jets 5th Gen tiang angei fawn tikah ukraine caah lungreithei ding mi lawngte a si. Cunglei/Air (no fly zone) kan tuah piak cang u, Bia tha tha le bia lawngin thaazang i pek peng mi nih zeihman thil tha a chuah pi hlei lo. Raltha tein cawlhcang a herh cang.
West pawl daitein an um peng caah, Ukranian mipi nih zeitluk in dah an tuar peng lai,
Maternity Hospital, Mariupol ah nau a chuak lo mi le nu tiang in an thih pi cang ti kha nan thei ko kha.
Daitein nan um peng caah ngakchia 71 leng nih an thih pi cang. Mariupol, Kharkiv, Irpin, Sumy ah mipi nih heh tiah an tuar cang. World leaders pawl nih mah ral hi thatein nan daiter kho lo ahcun America, Europe & vawleicung mipi nih hruaitu pawl hna heh tiah an i mawhchiat hna lai. Daitein zoh sawhsawh peng ding a si ti lo, Mipi nih thim mi hruaitu pawl hna daihtein zeihman cawlhcang nak ngei lo in nan um peng ah cun, thim lo mi pawl nih mawh
cawlhcangnak an thawk hmasa lai? Biakhianak zeipoah nan tuah kho. Kan fa le nih an tuar tuk cang hi tiin
Ukraine President nupi/UKARINE FIRST Lady Olena Zelenska nih a lungfak ning a chim. Cred-RTK
==Kalaymyo Ni 3 Chung Kahdohnak Ah SAC Ralkap 27 An Thi Cang! Sagaing ramṭhen, Kalay pengchung ah March 14-16 tiang SAC ralkap le mizapi vengtu ralkap kahdohnak a chuak i, hi kahdohnak ah hin SAC ralkap 27 an thi, tiah Kalay-PDF in ṭuanvongeitu nih a chim. March 14 le 15 ah minung 20 leng an thi i, 16 ah minung 7 an thi ṭhan. March 16 ah Natmyaung (နတ်မြောင်း) khua in Natchawng(နတ်ချောင်း), Chawngkhuah (ချောင်းခွ),
Hakhalay(ဟားခါးလေး) ti in SAC ralkap nih rallam an sial caah zinglei suimilam 9:00 in chun suimilam 12:00 tiang kahdohnak a chuak.
Kalaymyo, Kalay Technology University in a chuak mi SAC ralkap motor 14 le SAC ralkap 300 leng cu
bomb in doh an si. Nithum chung bomb raldohnak ah hin SAC ralkap in minung 27 an thi, tiah Kalay-PDF in ṭuanvongeitu pakhat nih cun a chim. Nithum chung kahdohnak ah SAC ralkap hna nih Kalaymyo pengchung Natmyaung(နတ်မြောင်း) khua inn 40 le Natchawng(နတ်ချောင်း) khua inn 5 cu an khangh, tiah theih a si.
Laitlang thawngpang…Kanpetlet Peng Kahdohnak Ruang Ah Mizapi Eidin An Har Cang! Chin ram,
Kanpetlet peng Sanmata, San Ingnu khua le a pawngkam khua cheukhat hna ah SAC ralkap le
CDF kahdohnak ruang ah Kum upa, ngakchia, Mizaw le Naupawi lio hna tel in minung 900 hrawng cu ramlak ah an i dor hna i kahdohnak caan a sau caah mizapi eidin an har cang, tiah theih a si. “Kanpetlet ah hin February 7 thok in SAC ralkap le CDF an i kah caah ral kan zaam, a hlan zong ah SAC ralkap pawl
khuachung an luh ahcun lopil ah kan zaam tawn i an kir hnu ah kan tlung ṭhan tawn i eidin ding
tlawmpal kan i ken tawn. Atu tan cu sautuk an i kah caah kan i ken mi sii-ai le eidin a dih cang i a har ngaingai cang,” tiah ralzaam pakhat nih cun a chim. Atu tan kahdohnak ah hin Mindat khuachung ummi SAC khah-Lah-yah -274 Brigade le Kyauhthuh um
mi ralkap hna nih hriamngan in an kah hna caah Sanmata khuahlun inn 9 a kang, tiah theih a si. March 15 zing zong ah
SAC ralkap pawl cu Sanmata khua ah lut in, inn an baoh i an duah hna caah Sanmata lawng siloin a pawngkam khua mi zong an zaam dih. Kahdohnak a sautuk i, a fahtuk fawn caah CDF Kenpetlet nih zenthong le ralhriam an chambau pinah Mizapi himnak ca ah ti in CDF Kanpetlet Headquarter camp zong caan karlak chung an chuahtak, tiah theih a si.Cre-TCP