Mariupol lei ah Mariupol defenders Neo-Nazi Azov battalions commander Svyatoslav Palamar nih BBC sin ah video tawite a chim mi nih mi tampi mithli he a chia cang ko hna. An um nak Azovstal plant bunker chungin BBC sin ah an dirhmun sining vialte a kuat hna. A chim mi cu, ‘ kan ralkap pawl sin ah hliam hma a hmuh mi tampi an um cang” Natein Azovstal plant ah kan um chung cu Russian ralkap pawl nih Mariupol an kut tangah an chia rih lo tinak a si ko” Azovstal khua ah building vialte cu a rawk dih cang. Bomb ngan tuk mi hna hmangin Russia nih a kan tuk i, kan umnak bunker hna cu a rawk ngai cang tiin a kuat hna
Bunker chungah hliam hma a hmuh mi le a tthi mi an tam ngai cang. Basement chung room dang dang ah kan um i, Room pakhat ah a um mi hna dihlak hi mi 80-100 hrawng kan si lai, mah bunker chungah a um mi kan dih lak cu thei a si lo, natein kan hawi le he, kan nih chawn peng. Ngakchia, thlathum lawng a upa mi zong an um.
Russia nih war Crime a tuah ning cu an hmuh mi a tam ngai, Russia hi kan zum kho ti lo. Ni 52, Russia nih a kan block hnuah, kan hawikom a thimi ruak zong thatein kan vuih kho lo, kan pawngah a thi ciami kan hawikom ruat a tam ngai. Capt Palamar nih Ukrainian defenders hna cu Russia kut ah i pek an nih tim lo tiin a chim “Civilians pawl thatein an chuak khawhnak ding caah Russia ralkap pawl kutah i pek ding ti tthawngpang a um, natein Russia kut ah kan i pek nem mam lai lo tiin a chim
Atu hi Ni 57 hrawng si cang, Russia nih Mariupol Defenders pawl hna cu rawltam in thitiang chia an tim hna, Russia nih Mariupol defenders pawl hna cu i surrender ding in voihthum tiang a ti cang hna, Natein nihin tiang Ukraine Defenders pawl hna hi an nih surrender duh bak lo. Atu hi Ukraine defender pawl hna cu banker chungah an um ri caah zeitin Russia nih atuah na lai ti zoh lio a si. Ti le rawl an ngei ti lo ahcun an caah lungreitthei ngai a si lai. Cre-RTK