Zaporizhzhia nuclear power plants umnak hmun cu Russia control nak tangah a um cang, Operations Russia nih a tuah liomi ah hin Ukranians kut in Russia in lak a tim, Russia lei nih operations an kalpi cang caah Ukraine cozah nih ZNPP hi khar si cang ko seh tiah an duh cang. Ukraine’s prime minister aide “ZNPP control commands & site maintenance kan tuah lio a si,
Mah site dawnter ka duh lo tiin a chim. Natein kan sining kan zoh ah lai i,
kan dirhmun a tha lo tuk sual ahcun,’out of control’ dawnter zong a puinak um lo tiin a chim.
“Ukraine nih ZNPP cu Russia ralkap pawl kut tangah a um cang lai tiah fiang tein an thei, Mah nih a langtermi cu, atu dirhmun zoh in Kyiv regime cu a sung cuamah lio a si ti fiangtein a langter. Sievierodonetsk mi 800 hna cu Russia ralkap pawl an tih tuk caah Soviet-era bomb shelter, Azot chemical factory ah an nih thup lio a si tiah
Serhiy Haidai, the governor of Luhansk region nih CNN sin ah a chim.
Report nih a langter ning ahcun, atu mi tampi an nih thupnak hmun ah hin Chemical a tang rimi
tih nung tukmi a um ri ko tiah a langter. Luhansk region’s city of Lysychan – Ukraine state dang he pehtlaihnak a ngeimi main road umnak, east Ukrainian village of Berestove cu Russia nih heh tiah an tuk cuamah lio a si. Russia nih Luhansk pumpi an la dih deng cang tiah Reuters reports Gen Oleksiy Gromov press briefing ah a chim. Cre-RTK
==Ukraine sinah Long-range missiles kan pekchanh lai tiah President Joe Biden nih a chim
hnuin hi bantukin US nih a tuahmi hi kahdohnak caan lehlam a rauhter tiah Russia nih aa mawhchiat.
US nih hi bantuk hriamnam hna cu Ukraine a pek ahcun kahdohnak caan hi rauhter chin a duh caah a si, tiin Russia President zung i biachimnak nawlngeitu Dmitry Peskov nih a chim. Hi bantuk hriamnam pek chanhnak cu ramhnih karlak ah remdaihnak kong ruah ṭhanṭinak le ceih ṭhanṭinak ngei ding in Ukraine nawlngeitu hna i duhmi zong a si fawn lai lo tiah a chim chap.
Germany zong nih air defense system kan pek lai tiin Ukraine cu bia a kamh fawn.
United States nih a pek dingmi hriamnam hna lakah hin HIMARS Missiles System 4 bak
a tel lai tiah US cozah ṭuanvo ngeitu nih a chim. Atu ah cun Russia ralkap nih an control nak Ukraine nichuahlei Severodonetsk khuapi chung zong ah kahdohnak a chuak rih i, cu khuapi an control khawhmi hi Luhansk hmunhma dihlak ngawt cu Russia nih a control cang ti tluk a si.
==Vawleicung hmunkip ah monkeypox zawtnak ngeitu cu minung 550 leng an um cang tiah
World Health Organisation(WHO) nih June 1 ah khan thawng a thanh. Europe ramchung
ram 12 ah monkeypox zawtnak ngeitu zat cu 321 tiang an phan cang tiah European Union’s zawtnak control-nak le khamnak zung zong nih cathanh an chuah ve. Britain zong ah hi zawtnak ngeitu hi minung 196 an um cang i, Australia, Canada le US zong ah zawtnak ngeimi an um pah ve cang. Europe ramchung ah cun a liamcia April thla hramthok lei khan hi zawtnak hi a chuak cang i, party (puai) an tuahnak hmun
le mitampi umnak hmun in zawtnak hi a karh tiah WHO European Regional director nih a chim.
Cu zawtnak a ngeitu hna cu anmah dang tein umter ding an si i, zawtnak ngeitu hna he naihniam tein a ummi hna zong dothlatnak tuah ding a si. Zawtnak an ngeih le ngeih lo zong hlathlainak tuah in Monkeypox zawtnak he pehtlaiin zeitin dah kan i runven lai tibantuk hna zong theihternak tuah colh ding in vawlei cung ram hruaitu hna cu WHO European director nih a forh hna. Cre-TCP