UN Ambassador (Former) Nikki Halye nih China cu ceilak in a phawmh cang

China ruangah vawlei ramkip cu muinak khur ah a lut thluamah ko cang. China thil tuah ning le bia hman a chim duh lo mi nih vawlei ramkip lung a fakter cang i, mah bantuk in China lungput a si caah China ramdang vialte nih an fih cang i, an huat tak tak cang

US Ambassador to UN (Former) Nikki Haley “China Coronavirus figure hi a hman lo tuk mi si, 82,000 case le 3300 thimi report ah langter a si. China hi population 1.5 billion hrawng a si. China nih hin an ram minthatnak le chawlehnak ah amah ca lawng a ruat. Coronavirus an ram (China) in a thawk mi hi thatein vawlei ramkip ah theiterhnak tuah hna seh, atu bantuk dirhmun hi kan phan lai lo. China thil tuah ning le bia hman a chim duh lo ning hi zoh sawh sawh ding si lo” tiin a chim.

Royal Shin Star Construction Company nih Paletwa ralzaam ca ah tangka sing 40 man eidin le thilri bawmhnak pek……Royal Shin Star Company nih Paletwa ralzaam ca ah tangka sing 40 man facang, khohsuai, puan le chiti an bawmh hna, tiah kan theih.

“Facang hi tun 100 a si i, tun khat ah Ks. 24,000 man a si. khohsuai hi bawm 15, bawm khat ah 180 aa tel mi, bawm khat ah Ks. 34,740 man a si. Puan zuun 200, zuun khat ah Ks. 3,800 man a si. Cun, chiti Ks. 318,900 man hna bawmhnak kan pek. A tanngka in fonh ahcun sing 40 man a si. Cun, April 3 ah kanmah Company motor pahnih in kan kuat i, Sami khua ralzaam zohkenhtu phu  nih tuanvo an lak te lai,” tiah Royal Shin Star Company tuanvo ngeitu sin in kan theih.

Paletwa Peng ralzaam, Sami khua ah aa dor mi ca ah Campany in siseh, Cozah lei in siseh, pumpak in siseh bawmhnak an pek cuahmah i, facang hi  ralzaam hna thla hnih za cu a um cang, tiah kan theih.