Tu lio vawleicung thawngpang a linsa bik mi US le Russia kongah UN Security meeting ngei a si. US nih a duh ning bantuk in UN Security Council ah zeihman tuah kho lo. UNSC meeting a dih bak in United States President Joe Biden nih Nikhat Ni/Monday ah thatein Washington i doh/ti tuk hau lo in thatein cabuai ah bia cei ti ding in Russia-Ukraine conflict tawrel ding in a sawm.
Mah bia a chim hnuah ralringnak/warning bia chim chap i, US cu i tuk ding in timciatein kan um ko “But we are Ready” tiin a chim
Moscow nih Ukraine invasion a tim lo ning voih tampi a chim cang nain, Sunday zan ah,
US Department of defence or Pentagon spokesperson John Kirby nih ralringnak/Alarm a vun chim than hoi i, “Russian Invasion hi zeitik caan poah a tlung kho mi a si tiin. United Nations Security Council (UNSC) Oval Office in US President Joe Biden zong a tel ve. John Kirby nih a chim mi cu, Russia nih Ukraine hi zeitik caan poah a tuk kho ti a chim i,
mah cu Intelligence sin in an thei mi a si, A chim chap mi cu “Putin nih Ukraine tuk ding in duh thimnak tampi a ngei.
Zeitik caan poah ah a tuk kho. Atu, Hmailei zongah a si kho. Russia President Putin duh ning bantuk in a si ko lai tiin
Natein Russia nih Ukraine tuk kan nih tim lo, West pawl nih an duh duh in thil an tuah lo nak ding caah le an duh ning bantuk in an kan tuah lo nak ding caah tiin heh tiah an chim. Natein US lei official pawl nih an chim than ning ahcun, Russia nih Ukraine cu tuk a tim hrim ko tiin, I tuk ding bantuk in bia an chim peng. Cred-RTK
Kawlram thawngpang…..Loikaw-Demoso-Dawtamahkyi-Bawlakhe aa pehtonh mi motor lam hna cu February 1 thawk in rikhiah
um lo in tlunkal kan khar lai, tiah KNDF nih nawl an chuah. Nihin ni thawk in cuka lam hna cu tlunkalnak
nawl le thil phorhnak nawl cu rikhiah um lo in an khar lai caah dam lo zawtfah tuk ruang a si lawnglawng ah i chawk ding in KNDF nih thawng an thanh. Cu lamthluan cu January 3 ni thawk in February 3 tiang tlunkalnak nawl an rak on, nain ralhrang phu le Karenni ralkap phu karlak kahdohnak ruangah nihin ni thawk in rikhiah um lo in khar a si lai, tiah KNDF hna sin in theih a si.
Ralhrang phu hna cu a luancia ni hna ah Pin Luang-Pekon-Moe Be-Loikaw lam in Si Sai-Loikaw lam hna
lei ah ralhrang thazaang tampi cu motor in an chiah hna. Cu ralhrang pawl cu Karenni ralkap phu hna nih Pekon peng hrawng le Kone Suat khua pawng hna ah lam tan in an kah hna. Kahdohnak a faknak hmun Shan-Karenni a pehnak Phe Kone, Loikaw, NanMeKone, Demoso khuapi hna ah ralhrang nih
cunglei in Jet vanlawng le Helicopter in bomb an thlakhnawh hna, tiah theih a si. Khit Thit Media
=SwamPian Khua Um Ralhrang Sakhan Cu KIA Le PDF I Bawm In An Laak!; Kachin ramkulh, Puta Oo peng, Swampian khua um ralhrang phu le PyoSawHtee phu hna riahbuk pakhat cu KIA le PDF a fonh mi phu hna nih nihin zinglei Sml 10:00 hrawng ah an kah i an lak khawh,
cu sakhan cu mei in an duah i an hrawh tiah theih a si. Myitkyina-Puta Oo(ပူတာအို) lamhrawn um
Swampian(ဆွမ်ပီယန်) khua pawng tlangcung um ralhrang phu le PyoSawHtee phu thazaang 40 hrawng umnak sakhan cu KIA Brigade 1, Battalion 7 le Pota Oo mizapi vengtu ralkap hna i bawm in an va kah hna, tiah a hmunhma um thawnglatu hna sin in theih a si. Sakhan laak kahdohnak a dih in Swampian(ဆွမ်ပီယန်) khua um mizapi hna cu an zaam dih, tiah theih Khit Thit Media nih a ṭial. Cre-TCP