Kawlram buainak cu kumkhat leng si cang. Mah bantuk in thawngpang a linsa lio ah Union Minister Dr. Zaw Wai Soe nih thawngpang ttha tuk mi a vun chim, A chim mi cu Federal Union hruainak in Federal Army cu a rau hlan ah kalpi cawlh a si cang lai tiin Union Minister Dr. Zaw Wai Soe nih a cim.Atu hi Federal Army phunglam suai lio a si,
a rau hlan ah Federal Army cu dir a si cang lai tiin a chim. Dr. Sa Sa zong nih mah kongah fiangtein
a vun chim ve cang i, Federel Union dir ding in hriamnam a tlaih mi pawl, lam a zulh
mi pawl le political party pawl rian tuanti nak cu 80 tlam a tling cang tiin a chim. Cun, Daw Zin Mar Aung nih a cun chim ve i, Arah ding mi caan ah, mipi heh tiah a that tawn tu kawl ralkap pawl cu kawlram chung ah zeihman cawlhcang kho lo in phomh an si lai. Federal ralkap lawng an um cang lai i, Palik kan ti pawl hna zong nih mipi rian lawng an tuan cang lai. Cred-MK
Thawngpang dang… Kayin ramkulh, Myawaddy peng, Laykekaw ah KNLA le Cobra hriamtlai
phufonh le SAC ralkap kahdonak a chuak i, SAC ralkap hna cu an zaam caah an hriamnam le
an thilri pawl an zaamtak i, tualchung hriamtlai phufonh nih an lak, tiah Cobra hriamtlai phu nih cathanh an chuah. Cobra hriamtlai phu hna nih security an laknak Laykekaw tlang ah SAC ralkap hna cu rilonh in luh an i tim i, nizan zanlei Sml 11:00 hrawng in zing Sml 3:30 tiang kahdohnak fak ngai a chuak. Cobra nih Kahdohnak ah SAC ralkap hriamnam le thilri an lak mi hna cu mipi sin ah an langhter cang i,
nihin April 15 zanlei zong ah hriamnam dang an lak ṭhan, tiah theih a si.
Tualchung hriamtlai phufonh hna nih an lak khawh mi hriamnam hna cu 60 mm bomb
kuan lung 18 (၆၀ မမ ဗုံးသီး ၁၈ လုံး), 81mm lung 1(၈၁ မမ ၁ လုံး), RPG lung 4(RPG ၄ လုံး), Puyan fun 3 (ပို့ယမ်း ၃ ထုပ်), 5.56 kuan 300 ( 5.56 ကျည် ၃၀၀ တောင့်), 7.62 Sniper kuan 100 (7.62 စနိုက်ပါကျည် ၁၀၀ တောင့်), Vawlei tang phum mi bomb lung 1( ခြေနင်းမိုင်း ၁ လုံး) le MA 1 kuan bawm 9 (MA 1 ကျည်အိမ် ၉) hna an si, tiah Cobra nih cathanh an chuah.
=“Magwe ramṭhen, Pauk peng khuate tam deuh cu SAC ralkap nih mei in an khangh lawng si
loin ral ṭih in a zaam mi hna an ei awk, tirawl zong an khangh piak hna,” tiah tualchung
mi nih an chim. SAC ralkap le Pyusawtee hna nih April 7 thok in Pauk peng khuate tam deuh cu mei in an khangh hna i, khua 13 nak tlawm lo an khangh cang, tiah tualchung mi nih an chim. Pauk he aa pehmi, Pakokku le Saihphyo(ဆိုက်ဖြူ) peng um khuate cheukhat hna zong SAC ralkap nih mei in an khangh.
“SAC ralkap nih an tirawl an khanghpiak mi hna hi Pauk peng thlanglei KyaukOo (ကျောက်အိုး) khua
ralzaam an si. SAC ralkap hna nih an khua ning in an khangh hnu zong ah an di a riam hlei lo i ralṭih
in aa thup mi, mizapi an ei ding tirawl zong an khanghpiak dih hna. Khua mi hna cu SAC ralkap ṭih ruangah pakhat hmanh taang loin an zaam dih,” tiah Pauk Alliance Group nih cathanh an chuah. Cucaah a ran khawh chung in ralzaam hna ca ah an ei awk ti le rawl, Si-ai le thilri an herh tuk hringhran, tiah an cathanh ah cun an ṭial.
==Ayarwady ramṭhen, Maopin khuachung titoih puai tuahnak donhhlei ah nihin April 15 zaanlei ah
puahkehnak a chuak i, hi kong he pehtlai in kum 10 tluk ngakchia pakhat telh in kum 18 tling
rih lo mi ngakchia pathum cu tlaih an si, tiah palik he naihniam in a ummi pakhat nih a chim. CCTV a langh ning ah kum 10 tluk ngakchia pakhat le kum 17 ngakchia tlaih an si, tiah palik he naihniam in um mi pakhat nih a chim. “Tlaih a tong mi ngakchia hna cu SAC ralkap nih Toeshwewa(တိုးရွှေဝါ) hall ah an
hruai hna i, an hro hna, ngakchia nih zeibia an chim cu ka thei lo, midang tlai ṭhan ding in
khuachung lei ah palik le SAC ralkap hna cu an kal,” tiah cu palik he naihniam in ummi pakhat nih Ayarwady Times ah a chim. Maopin (မအူပင်) pengchung SAC ralkap nih titoih puai tuahnak donhhlei ah cun CCTV an bunh an si i, SAC ralkap sniper nih donhhlei hmailei in an ven hna, tiah tualchung mi nih an chim. Cre-TCP