European Union pawl nih Ukraine invasion ruangah Russia Oil cu cawk an nih timh ti lo. United Kingdom le European Council hmun dang dang ah Oil man cu a fak chin lengmang cang, Oil aman a fak ah hin ram Economic a hrawh ngai tawn, Mah bantuk in Oil ruangah ramdang tampi an buai lio ah, US nih a rem lo ngai mi le a ral bik tiah a ruat tawnmi, Dictator ram tiah heh tiah a hrem tawnmi,
Russia hawikom a simi Venezuela cu tahbu in zaangfah an nawl cang Venezuela hi Trump administration hlan,
Obama lio ah fakpi in sanctions an rak tuah pengmi a si, Atu cu Biden administration nih
Italian oil company Eni SpA & Spanish Repsol SA pahnih hna cu July thawk in Venezuela oil lak than ding in sanction a rak tuahmi cu a phih piak than cang!! Zeiruangah hman a si lo, Biden nih Europe Council ram chungah oil man a tlawm deuh lai tiah a zum caah a si. Bill Clinton administration lio ah Energy Minister a rak tuanmi Bill Richardson nih The New York Times ah Biden a vun phomh i
“U.S. President Joe Biden nih oil man tlawm ter ding in duhthimmi a ngei ti lo,
a ral le a rem lo ngaimi ram sin zah zaangfah hal lawng hi lam a ummi cu a si cang tiin
Joe Biden cu a thuat bak ve cang. Vawleicung ah ramdang ah Oil a zuar tambik a si vemi Russia cu Ukraine a vun tuk tak tak ahcun ceilak in kan buai cang ko tiin a chim. Atu cu anmah US le US cu media hmangin heh tiah an nih thuat ve cang. US nih amah luat a ei than cang, Atu cu US ni a ralbik ah a ruat tawnmi cu thatein a chawn a hau than cang. Cred-RTK
Thawngpang dang…Spain Nih Anti-aircraft Missiles Le Tanks Cu Ukraine A Kuat Lai:
Spain nih Ukraine sinah raltuknak hriamnam a bawmhmi cu a hlan nakin a ṭhawng deohmi
le ṭha deohmi phun Anti-aircraft missiles le tanks tibantuk hna cu bawmhnak ah a pek lai tiah Spain Newspaper EL Pias nih June 5 ah khan cozah thawngpang cherhchan in a tial. Ukraine ralkap nih an herh taktakmi Tanks khalh ning, control ning le hman ningcang hna zong Latvia ram ah kan cawnpiak hna lai tiah an ti. Cuka hmun ah cun NATO’s Enhanced Advanced Presence, raldohnak kong he pehtlai in
Spain ralkap 500 an chiah. Spain ralkap nih a hlan nakin a tmṭha deohmi vanlawng kahnak
Advanced Ballistic missiles hna cu Kiev khuapi ah kuat colh ding in an timhtuah tiah theih a si.
April 21 ahkhan Spain Prime Minister Pedro Sanchez cu Ukraine ram ah a tlawng i, President Volodymyr Zelenskyy he tonnak a ngeih lio ah hriamnam thazaang biatak tein bawmh ding in Ukraine President nih a rak nawl. Asinain ram buai ruangah ruahnak leng in caan a rau ngai tiah EL Pias sin ah an chim. Atu tiang ah Spain nih Ukraine cu Ammunition telh in pumpak i runvennak thilri dangdang hna cu bawmhnak ah a pek tiah theih a si.
==North Korea nih nizan(June 5) ah Ballistic Missiles cu pehzulh in hneksaknak a tuahmi lehrulh
chamnak ah tiin US le South Korea nih Fired Eight Missiles hmang in ralrinnak an pek.
Nichuahlei rilikam in rocket tampi pehzulh in a kah hnu, suimilam tlawmpal a rauh hnu ah US le South Korea nih Fired Eight Surface-To Air Missiles (ATACMS) cu kah an kah ve i, ralrinnak an pek. North Korea nih tukum kum hramthok lei khan Missiles a hneksak lengmang ruangah US le South Korea nih atu bantuk in ralrinnak an pek. North Korea cawlcanghnak le i hrocernak hna cu fak piin lehrulh
chamnak kan pek lai, tiah South Korea President Park Geun-hye nih a chim.
North Korea nuclear le missile program hna cu Korean’s Peninsula lawng hmanh si lo, Northeast Asia le vawlei cung hmunkip ca zong ah ṭih a nung tiah S. Korea President nih cun a chim chih. Ṭangrual ramhnih simi US le South Korea nih hmun khat ah raltuk ningcang cawnnak an tuah tawnmi ruangah North Korea nih thin hung ngai in lehrulhnak a tuah tawn ve.Cre-TCP