US ram ah chinmi tampi kan um cang. Mah kong hi a theimi tampi kan um ko lai, natein a thei lomi tampi kan um ve lai caah a thei lomi caah ka vun tial lai. US cu vawleicungah thurhnam muicawl tuah tam biknak ram a si. Cun thurhnawn muicawl tuahnak ding caah tangka a hmang tambik ram a si fawn. Khrifa ram si tung i, mah tluk in thurhmawm muicawl a tamnak ram ah a ummi kan si ti thei bu in
Chinmi tampi US ummi zong Pathian bochan in kan um a herh. Mi tampi nih an chim ning ahcun,
US nih hin vawlei cung ram vialte hi Sodom le Gomora bantuk sualnak khur ah a kan luhpi te
lai tiah an ti tawnmi zong a si. Cucaah, Vawleicung ah a thurhnawmmi muicawl a tuah tam bik an si hlei ah a thurhnawmmi muicawl hmangin tangka a hmuh tambik ram a si fawn. Khrifa ram nih mah tluk in Pathian duh lomi lei ah min chiatbik ram a simi hei ruat tikah Khrifa caah cun lungreithei ngai a si. Pathian a nunmi a zumlo tu ram kan zoh tikah US bantuk in thurhnawm muicawl flim ah an lungput an chia lo i,
mah pawl hna hi an huat ngai, Natein US ram ahcun ni fatin mah bantuk hi a tam chin lengmang. Chinpage Editor
Kawlram thawgpang… SAC Ralkap nih YeSinMah Khuami Fahnih ngei Nu Pakhat An
Tlaihhrem Hnu In An Thah Beh. Gangaw peng, YeSinMah khua ah SAC ralkap nih fahnih ngei nu cu a bu in an tlaihhrem hnu ah Ngakchia pahinh tel in khuami 7 an thah hna tiah khuami hna sin in theih a si. PyoSawHtee tel in thazaang 200 hrawng SAC ralkap hna rallam cu nizan July 4 ah Gangaw peng, chaklei um khuate inn 600 leng a si mi YeSin ah an lut. Khuami cheukhat hna cu an tlaih hna i an thah hna.
Kum 22 a si mi fahnih ngei Pi Sandar Oo cu nizan ah an tlaih i an phu ning in an tlaihhrem hnu
ah a fa le pahnih he an thah hna tiah khuami hna nih an chim. Kumkhat le cheu le kum 5 lawng
a si rih i a fa le pahnih zong SAC ralkap nih an thah hna tiah khuami hna sin in theih a si.Cu nufa rual an konglam cu khuami hna zong nih zingka lawng ah kan theih tiah an chim. Thahnawn tong ve mi ngakchia hna 2 cu an tlaihhrem hna maw? hna lo ti theihnak caah mizapi vengti ralkap hna nih an hlat liopi si tiah theih a si.
=Nawlngeihnak Laak Hnu Ni 519 Chung Ah Minung 2057 Nunnak A Liam Cang! AAPP nih
July 4, tiang cathanh a chuah ning ah Myanmar ramchung huapin SAC ralkap nih nawlngeihnak
a laak ni 519 chung ah sualnak ngei lo minung 2057 thah an si cang, tiah theih a si. Tlaihkhih a tongmi dihlak hi 14,458 an si i, an thlah than mi hna 3044 an si. SAC ralkap nih mi nunnak a laak mi hna chung ah Yangon in nunnak a liam mi tambik an si.
=Myanmar Ram Pumpi Nikhat Chung Kahdohnak Ah SAC Ralkap 19 An Thi.
Myanmar ram pumpi huap July 4 nikhat chung kahdohnak ah SAC ralkap 19 an thi.
PDF Pathum an nunnak a liam ve tiah Khit Thit Media nih a langhter. Khit Thit Media nih cazin a khawmhsuat ning ah ,Sagaing ramthen, YeeOo ah 2, AYarDaw ah 2, Watlat ah 4, ChaungU ah 5, Magwe ramthen, Pakokku ah 2, Mandalay ramthen MyinChan ah 4 tiin an dihlak 19 an thi. Kayin ramkulh, Brigade 5 ah PDF Pathum an nunnak a liam ve.
==Sagaing ramthen, Pale khuapi um SAC ralkap umhmun khuarnak cu PDF phufonh
nih kan kahdoh hna i SAC ralkap 1 a thi tiah Leopard guerrilla army nih nihin July ah cathanh
an chuah. Nizan zan Suimilam 7:00 Pm hawngah Pale khuapi um SAC ralkap an umnak hmunkip cu Pale Battalion 4 Leopard guerrilla army, Pale Battalion 5 Black guerrilla phu hna he hmunkhat ah mizapi vengtu ralkap phufonh a si mi hna Myaing Local PDF, Pale peng Local PDF hna i bawm in hrianngan in kan kahdoh hna tiah an langhter.
” Khuachungah Bu AungDin hla i chuah in mipi a hrotu SAC ralkap hna cu ( Bu AungDin Phu )
kan ti hna . Khuachung SAC ralkap hna an um nak hmunhma tampi cu kan kahdoh hna tiah Leopard guerrilla army in ralkap pakhat nih a chim. July 2 zong ah khan Pale peng KaanKyi khua ah a lut mi SAC ralkap 90 hrawng rallam cu PDF a fonhmi phu hna nih bomb an puah hna i SAC ralkap 15 hrawng an thi tiah an langhter. Cre-TCP