Saduh ka hei thahmi cu US ram i a ummi, Chin miphun nih biatak tein kan milu a karh khawhnak ding in i zuam kho hna uh sih law a ttha tuk hnga ka ti. Vawlei lei upa te le biaknak lei upa te nih biatak tein forhfialnak zong an tuah awk a si ka ti. Aruang cu US cu ramrum bik le ramthawng bik a si bang in fa tampi na neih zongah harnak an in pe lai lo. Tanghra tiang a lakka in kai khawh a si fawn ko.
Miphun dang vialte zong milu karh khawh an i zuam cio. Khuaihliti le cawhnuk a luangnak
US ram ah hin Chin miphun milu million tiang kan phak khawh zaunak ding in Kan i zuam a herh
ve/Kan i zuam awk a si. US ram ah Chin miphun million tiang kan um ahcun Laitlang kan sersiam khawh zau lai, Israel ram bantuk in. Cucaah cun US ram um Chin miphun nih fa tampi kan hrin a hau. Cu ve bantuk in EU ram um Chin miphun zong nih fa tampi in hring ve hna seh. Ramrumnak ahcun fa cawm a fawi ko dahawh. Ramrumnak I a ummi Chin miphun milu 2 million Kan si te tik ahcun Laitlang Lairam cu fawituk in kan sersiam khawh cang lai. Cre-Van Tum
Thawngpang dang….Africa ram ah Monkeypox zawtnak ngei zat cu minung 780 tiang an karh cang,
tiah WHO nih cathanh a chuah. Hi kong he pehtlai in a liamcia kan hnuzarh tiang ah cun
minung 257 lawng an si nain atu ah cun alet 3 in a karh manh. Hi zawtnak a ngeitu hna hi fak tuk in le har tuk in an tuar lo nain Africa ram nitlaklei le ram laifang lei ah cun minung tamtuk an i chawnh manh. Minung a tomtom in zawtnak i chawnh cu a um lo nain Monkeypox zawtnak a ngeitu ram hi ram 27 a si cang, tiah WHO nih a thanh. Hi Zawtnak hi Europe le North America, Maxico, United Kingdom,
Argentina Morocco le UAE tiang in a phan cang. Britain ah cun zawtnak ngeitu minung 207, Spain ah
156, Portugal ah 138 an um cang caah ramdang dang zongah a karh kho, tiah WHO nih ralrinnak a pek.
==Spain Nih Anti-aircraft Missiles Le Tanks Cu Ukraine A Kuat Lai: Spain nih Ukraine sinah raltuknak hriamnam a bawmhmi cu a hlan nakin a ṭhawng deohmi le ṭha deohmi phun Anti-aircraft missiles le tanks tibantuk hna cu bawmhnak ah a pek lai tiah Spain Newspaper EL Pias nih June 5 ah khan cozah thawngpang cherhchan in a tial.
Ukraine ralkap nih an herh taktakmi Tanks khalh ning, control ning le hman ningcang hna
zong Latvia ram ah kan cawnpiak hna lai tiah an ti. Cuka hmun ah cun NATO’s Enhanced Advanced Presence, raldohnak kong he pehtlai in Spain ralkap 500 an chiah. Spain ralkap nih a hlan nakin a tmṭha deohmi vanlawng kahnak Advanced Ballistic missiles hna cu Kiev khuapi ah kuat colh ding in an timhtuah tiah theih a si.
April 21 ahkhan Spain Prime Minister Pedro Sanchez cu Ukraine ram ah a tlawng i
President Volodymyr Zelenskyy he tonnak a ngeih lio ah hriamnam thazaang biatak tein bawmh ding in Ukraine President nih a rak nawl. Asinain ram buai ruangah ruahnak leng in caan a rau ngai tiah EL Pias sin ah an chim. Atu tiang ah Spain nih Ukraine cu Ammunition telh in pumpak i runvennak thilri dangdang hna cu bawmhnak ah a pek tiah theih a si. Cre-TCP