Kha, Democrat pawl nih an duh lo bik mi, Nau hrawh kongah US supreme Court nih biakhianak a tuah cang i, kum 50 leng an rak kalpi cangmi cu atu cu hrawh a si cang i, nawlngeinak cu State hruaitu pawl kut ah a um cang. Roe cu hrawh a si cang i, Ninga ni/Friday ah 5-4 nih biakhianak an tuah. Democrat pawl an lung a fak ngai i, Supreme Court ah minung kan chap hna lai ti tiang lam an kawl cang.
Mah bantuk in Supreme Court nih biakhianak a tuah cang caah liberal pawl nih buainak
tuah ding in lam an kawl cuamah lio tiah thei a si. Mah Roe v. Wade hi a luancia zarh
a khan a zut/leaked i, Democrat pawl an thin hun tuk i, buainak heh tiah an tuah i, Conservative lei Justice Kavanaugh tiang kha tha an nih tim hna, Natein Pathian nih Supreme Court Justice Kavanaugh cu a dirpi caah liberal pawl nih an nih timhmi cu tlam a tling kho lo. Mah bantuk in US supreme Court Justice tiang tha dingin liberal pawl nih lam an kawlmi kongah US president Joe Biden zong nih mah
bantuk a tuah a timh mi hna cu a hrocerh hna lai tiah zum a si lio ah zeihman chim
lo in daitein a um caah expert pawl an lung a tha kho hrim lo. Mah bantuk in
US constitutio a kilven tu, US supreme court thah dingin lam an kawlmi kong he pehtlaih in Joe Biden nih zeihman a chim lo caah Joe Biden cu ceilak in an soisel. Atu hi Liberal pawl an lung a fak ngai i, zeimawh thil tha lo an tuah hrim lai tiah mi tampi nih an zum hna, Cucaah kan chuak, rian kan tuannak, Baazar kan kainak zong ah ralrin tein kan um a herh ngai.
Chap…..Rev. Thangliansanga le Dr. PC Biaksiama nih Trinity le Oneness debate cu mizo
holh a theimi caah cun ngaih a nuamh lawng siloin lung a fiang ngaingai ko lai dah.
.Pathum le pakhat kongah mah zumhning le pomning chim si lo in nanmah zumhning a dik lo ti kha an bia tungtlang cu a si deuh bik. Zan hnih chungah an i ruahmi chungah faak khun in Dr. PC Biaksiama a sunghnak point 3 a um. Zan khatnak. P C Biaksiama nih Tipil in hi khamhnak a si lo. Vailam cungin a lung aa thlengmi mifir pakhat zong Jesuh nih a khamh ko tiah a ti. Mahka zawnah P C Biaksiam a palhnak cu,
Jesuh a um ko lio le a nun ko lio ah tipil in kong Order pek a rak si rih lo i hohmanh nih
tipil in a rak ngah lo lio caan a si ti kha a hngalh lo maw a si? a philh sual dik?.
Tipil innak order pek a si lo lio caan i, Vailam ah a lung aa thlengmi pa lawng nih in rai a si lo. Tipil innak Order hmanh pek rak si cang sehlaw mu! Mah hmanhah khin anih caah cun in caan a um ti lo thi he hnai he tangah van țhumh i tipil khur ah va kal pi ding cu ruah khawh hmanh a si lo cuh. Tipil kong hi Jesuh a thawh i van a kai lai te ah chim a si i Pentecost ni in tipil in cu thawk te dingmi a si tikha
Dr. PC Biaksiama nih a hngalh lo maw a si a philh sual dik?. Zanhnihnak: P C. Biaksiama:
Tipil kongah Jesuh bia ning in nan tuah lo. Piter bia tu nan zumh tiah a ti. Mahka zawn i P C. Biaksiama bia leh ning cu ngakchia bia leh ko a lo. Zan hnihnak zan i an bia ruahmi a dongh lei ah, Rv. Thangliansanga lei in bia haltu pakhat nih Dr. Biaksiama cu tihin a hal, a si ahcun Jesuh chimning in nan tuah lo Piter bia tu nan zumh tiah na timi hi, Jesuh nih Piter kha, Vancung Pennak hunnak tawhfung cu
kan pek lai i vawlei cung i na hrenhmi cu vancung zongah hrenh a si lai i vawlei cung i
na awnhmi cu vancung zongah awnh a si lai,” tiah Jesuh nih Tawh a pekmi pa Piter tuahning
in kan tuahmi hi a dik lonak na chim kho maw? tiah a hal i PC Biaksiama nih a let kho lo. Cun P C Biaksiama a palhnak cu midang zumhning soisel in Caukbu hna in chuah rai a si lo. Mah ruangah Rev. Thangliansangah nih a duh ve lo. Cutikah a chuahmi Caukbu lila in an leh khuh tikah a let kho ti fawn hna lo. Mah point 3 ah hin P C Biaksiama hi a sungh ning a faak khun. Cun Biaknak dang zumhnak khi Caukbu in chuah sehlaw biaknak dang le bang nih cun zeiti khin dik an vei men hnga.
Jesuh Kri a biami kan si hna caah Debate tu in caan an hmang ți kho hi lawmhtu a um.
Cre-F Bawi Khamh Kawlram thawngpang dang…Salingyi, TungKyae Khua Ah SAC Ralkap Kut In
Tualchung Mi Zeimawzat Nunnak A Liam!: Sagaing ramṭhen, Salingyi, TungKyae khua ah SAC ralkap nih khuami 30 leng an tlaih hna i, an hrem hna ruangah nunnak a liammi zong an um, tiah tualchung mi nih Yangon Khit Thit Media ah an chim. Nizaan June 23, zinglei suimilam 11:00 luan hrawng ah Monywa nitlaklei ah SAC ralkap motor 5 leng in minung thazaang 100 leng hrawng an phan.
SAC ralkap hna cu KhantShweHlae TungKyae khua lei ah ke in rallam an sial i chunhnu
suimilam 12:30 hrawng ah hriamngan an thlah. SAC ralkap hriamngan thlahmi cu TungKyae khuachung U Chit Tin inn ah a tlak caah cu inn cu a kaang tiah theih a si. SAC ralkap nih an duhnak hmunpoh ah meithal an thlah caah tualchung mi minung 5 hliamhma an tuar i, nunnak a liam mi zong a um, tiah theih a si. “SAC ralkap hna cu meithal i puahpah in khuachung ah an lut i, tualchung mi Mawng Wai Yan telh in
minung 5 cu kuan hliamhma an pu. Nunnak liammi hna min belte fiangin theih a si rih lo.
AlayTaw le HtanTawGyi khua karlak zong ah SAC ralkap nih mi pakhat an thah i, TungKyae ah pakhat, Poah khua ah pakhat tiin SAC ralkap nih an kahthah hna,” tiah tualchung mi pakhat nih a chim. Cun June 23, zaanlei suimilam 3:00 ah TungKyae khuami minung 30 leng cu SAC ralkap nih tlaih in an hrem hna. Khuachung mizapi umnak inn chung ah lut in, thilri man ngei deuh hna cu an fir, tiah theih a si. Cre-TCP