Vawih tampi ka rak tial cang bantuk in China nih a tim bik mi cu US tei i, US cungah um hi a si. US hi super power tiah thei mi a si, US nih atuah ning bantuk in le a kal pi ning bantuk in ramdang zong nih ahnulh zulh lengmang a si caah China zong nih super power ram si ding in heh tiah tim tuahnak a ngei ve
US duh lo ning bantuk in a um mi ram cu heh tiah dantatnak a pek tawn hna, Cucaah China nih US hi a huat ngai mi le a rem lo ngai mi a si ve caah
US tei hi a tim bik mi pakhat a si. Vawlei cung ramkip nih Covid an buaipi lio ah China nih cun US a tei khawhnak ding caah
Nuclear, Missile le hriamnam dang dang a buai pi. Atu cu Pentagon zong nih fiangtein thil sining a vun langter ve cang. China nih hypersonic weapon system ah heh tiah a zuam cuamah ve i, US Chairman of the Joint Chiefs of Staff General Mark A Milley nih a chim ning ahcun Beijing hi Washington caah tih nung tuk mi a si cang tiin a chim.
Pentagon nih 27 October ah China Hypersonic cu ‘very significant event’ tiin China thil tuah mi cu tih nung ngai cang tiin an cohlan nak an langter.
Pentagon Press Secretary John F Kirby nih a chim ning ahcun, US Secretary of Defence Lloyd J Austin III nih China cu
US bantuk in ram thawng mi le tih nung mi phan khawh ding mi a si cang tiin a chim. China cu a thangcho tuk cang caah ramdang pawl caah tih nung tuk mi dirhmun tiang a phan cang tiin a chim ve. US Chairman of the Joint Chiefs of Staff General Milley nih a chim than ning ahcun,
“China hi lo ngeitu ralkap in a thangcho mi an si, Kum 1979 thawk in China cu heh tiah a thangcho i, Atu cu, land, sea, air, cyber & space, domains zeipoah ah a thangcho tuk ang,
US bantuk si khawh ding mi asi cang. Atu cu domain vialte lakah hotu si ding in a zuam cang i, mah lawng si lo in horizon ah tiang US he dirhmun a khat bantuk a si cang” tiin a chim. Cre-RTK
Be the first to comment on "US caah China cu tihnung tuk cang; Pengtagon nih fiangtein a chim cang"