US caah thawngchia si ve ang, US um, Chinmi ralring chin hna u sih

Tu lio kan vawlei cung ramkip nih an tih ngai mi zawtnak pakhat Omicron cu US ram a phan ve ang. Covid thar Omicron tih nung tuk mi le a rang tuk mi a si caah US zong nih southern Africa ram in US ram chungah lut a ngah lo tiin Travel Ban President Joe Biden nih a rak tuah cang kha.

Natein a tu cu US ram chung a phan ve cang caah American mipi hna cu ralring tein um ding a si cang

Atu mah Omicron an hmuh mi hi vaccine voihnih a lak cang mi a si i, Amah hi South Africa in US ram California ah a kir mi a si.

Amah hi San Francisco mi  a si, South African ram in November 22 ah a US ram chungah a vun kir mi a si i, positive a si ti an theih hlan ah ni 7 chung US ram ah heh tiah duh poah in lengah a chuak cang mi a si, Atu Omicron a ngeih mi pa hi a hlan ah Covid vaccine voihhnih Moderna a la cang mi a si,

natein booster shot cu a tuah ri lo mi a si i, atu hi home quarantine tuah ding in a cohlan caah inn ah home quarantine in chia a si cang tiin California officials nih a langter

Amah he pehtlaihnak a ngeih mi vialte hna cu test tuahter dih an si i, natien an dihlak in an negative i amah hi  18-49 asi tiin official report nih a langter.

US ram chungah Covid sii a chun duh lo mi an tam ngai i, mah lawng si lo, mi tampi nih masks an hmang duh ti lo caah kum 2020 nak in kum 2021 ah a thi mi an tam deuh cang. Joe Biden nih heh tiah Covid sii i chun u tiah a aupi, Ralkap pawl zong i chun dih u tiah nawl a rak chuah, natein Court ah taza cuai a si caah voihthum tiang Joe biden nih nawl a chuah mi cu thah piak a si.

Cun, Health lei ah rian tuantu zong sii i chun dih u tiah nawl a chuah than hoi, Court nih a thah piak than hoi, Medicare ah si seh worker vialte hna,

Full time in rian a tuan mi le part time in a tuan mi dihlak vaccine sii lak ding a si tiah nawl a chuah than mi zong Court nih a thah piak than hoi hna. Cucaah atu cu mah le pumpak cio in ralring tein um ding a si cang i, masks hi hmang peng i zuam hna u sih, kan dam hi a biapi bik mi a si. US cu pumpak duhthimnak ti hi an uar tuk caah nihin tiang a thi tambik nak zong hi an si. Cred-Breitbart