US hi super power ram a si caah US president hi a biapi tuk caah a kong hi ceih lengmang a si. President Joe Biden cungah ruahchannak tampi kan ngei mi le US ram caah thil tha tampi a tuah lai tiah kan zum mi cu atu cu pakpalawng lawng si cang.
American mipi tam deuh (60%) nih Joe Biden cu president tha lo, a thawnglo tuk mi president a si, Kan president Joe Biden hi
hruaitu tha a si lo an ti cang. YouGov poll nih a langter ning ahcun US mipi tam deuh nih Joe Biden cu
kan zum ning bantuk a si lo, campaign lio ah bia a rak chim mi bantuk in rian a tuan lo, president thawnglo tuk mi a si an ti. US midterm election ngei ding a si. November ah Midterm Election ngei a si lai, Atu hi Joe Biden approval rating a niam tuk caah Democrat pawl zong Midterm Election ah kan sungh sual lai tiin
heh tiah zeitin teinak kan hmuh khawhnak ding caah lam kan kawl than lai tiah an lugreithei ngai
Texas Senator Ted Cruz nih fiangtein a chim cang i, Midterm election ah teinak kan hmuh lai caah Joe Biden hi
President a sinak in kan thawl lai/impeach kan tuah lai tiah a rak chim cang fawn tikah, le atu hi Democrat lei in House Speaker Nancy Pelosi zong Midterm election ah cuh a tim ti lo caah Democrat lei thawngpang a chia ngai. Mah lawng si lo in, American tam deuh 52% nih Joe Biden cu zum awktlak a si lo tiin
Joe Biden an zum lo ning an langter i. Mah poll hi conducted for The Economist by YouGov pollsters nih Jan. 2-4 ah an tuah mi a si. Cred-Newsmax
Thawngpang dang…Karenni ramkulh, Demoso le LoiKaw ah ralhrang nih ralkap thazaang tampi le raldohnak tank tiang hmang in
KPDF an kah hna. Kahdohnak ah ralhrang lei in minung 8 hrawng an thi, tiah Karenni People Defense Force KPDF sin in theih a si. Nihin January 6, zinglei suimilam 4: 45 ah ralhrang nih Daw Po Si khua ah hriamngan in mizapi ralkap an kah hmasa hna i, kahdohnak cu zinglei 8: 30 hrawng in an thawk. Mizapi vengtu ralkap phu hna he hmaitonh in kahdohnak a chuak, tiah Karenni People Defense Force – KPDF thawng an thanh.
Kahdohnak ah mizapi ralkap nih ralhrang lei an hliamh tuk hna caah LoiKaw in tank pathum le ralkap
thazaang motor pahnih bawmtu an thlah hna i, zanlei suimilam 4:00 tiang kahdohnak pehzulh in a um; mipi inn pariat ralhrang nih an khangh.
Hi kahdohnak chung ah hin ralhrang lei in minung pariat hrawng an thi, tampi hliam an tuar, tiah theih a si. Atu ah cun ralhrang hna nih Daw Po Sii pawngkam hrawng ah ralkap tampi an chiah chap i hmual ngei deuh in cawlcangh an i tim tiah Khit Thit Media nih a tial. Cre-TCP